En cumprimento do establecido no artigo 70.2 do Real decreto lexislativo 5/2015, do 30 de outubro, polo que se aproba o texto refundido do Estatuto básico do empregado público, no artigo 48.4 da Lei 2/2015, do 29 de abril, do emprego público de Galicia, no artigo 5 do Real decreto 896/1991, do 7 de xuño, polo que se establecen as regras básicas e os programas mínimos aos cales se debe axustar o procedemento de selección dos funcionarios da Administración local, e no 20.tres.3 da Lei 31/2022, do 23 de decembro, dos orzamentos xerais do Estado para o ano 2023, faise público que, mediante a Resolución da Alcaldía número 2026-0084, do 24 de febreiro, se aprobou a oferta de emprego público do Concello de Meis para 2026 que contén a praza que se indica a continuación:
Persoal laboral fixo, a tempo completo
|
Nº |
Código |
Denominación |
Grupo laboral |
Área |
Titulación |
Provisión |
|
1 |
4101 |
Operario de servizos varios |
IV/V |
Obras e servizos |
Non se require |
Quenda libre |
A praza ofertada deberá ser convocada en execución da presente oferta dentro do prazo improrrogable de tres anos, contados desde a súa data de publicación.
De acordo co previsto na Lei 39/2015, do 1 de outubro, do procedemento administrativo común das administracións públicas, e na Lei 29/1998, do 13 de xullo, reguladora da xurisdición contencioso-administrativa, contra a presente resolución, que pon fin á vía administrativa, poderá interporse, con carácter potestativo, un recurso de reposición no prazo dun mes ante o mesmo órgano que a ditou ou un recurso contencioso-administrativo no prazo de dous meses ante o órgano competente da xurisdición contencioso-administrativa, contados a partir do día seguinte ao da publicación da disposición impugnada ou ao da notificación ou publicación do acto que poña fin á vía administrativa. No caso de presentar un recurso de reposición, non se poderá interpor un recurso contencioso-administrativo ata que aquel sexa resolto expresamente ou se produza a súa desestimación presunta.
Meis, 25 de febreiro de 2026
Marta Giráldez Barral
Alcaldesa presidenta