O nomeamento de rexistradores da propiedade, mercantís e de bens mobles que desempeñen funcións en Galicia é competencia desta comunidade autónoma, segundo o disposto no artigo 26.1 do Estatuto de autonomía de Galicia, aprobado pola Lei orgánica 1/1981.

Visto o expediente instruído para a provisión de rexistros da propiedade, mercantís e de bens mobles vacantes en virtude do concurso ordinario número 323 convocado pola Resolución da Dirección Xeral de Seguridade Xurídica e Fe Pública, do 2 de febreiro de 2026 (BOE do 11 de febreiro), resolto pola Resolución do 4 de marzo de 2026, e de conformidade co artigo 284 da Lei hipotecaria, co 496 e demais concordantes do Regulamento para a súa execución, co Decreto da Xunta de Galicia 136/2024, do 20 de maio, polo que se establece a estrutura orgánica da Consellería de Presidencia, Xustiza e Deportes, e coas demais disposicións legais autonómicas pertinentes,

DISPOÑO:

Nomear as rexistradoras e o rexistrador comprendidos na citada resolución e que no anexo se relacionan, para prover os rexistros vacantes radicados no territorio da Comunidade Autónoma de Galicia.

Contra esta orde, que pon fin á vía administrativa, as persoas interesadas poderán interpoñer recurso potestativo de reposición ante esta consellería, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, ou poderán interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde a mesma data, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 18 de marzo de 2026

Diego Calvo Pouso
Conselleiro de Presidencia, Xustiza e Deportes

ANEXO

• Isabel Julia González Dorrego, rexistradora do Mercantil e de Bens Mobles de Pontevedra I para o Rexistro da Coruña nº 1.

• María Sonsoles Montero García-Siso, rexistradora de Ourense nº 2 para o Rexistro de Vilagarcía.

• Manuel Marín Salor, rexistrador de Les Borges Blanques para o Rexistro de Sarria-Becerreá.