Examinado o expediente iniciado por solicitude de Norvento, S.L., en relación coa declaración de utilidade pública, en concreto, do parque eólico Outes, constan os seguintes

Antecedentes de feito:

Primeiro. Mediante a Resolución do 20 de decembro de 2010 pola que se aproba a relación de anteproxectos de parques eólicos seleccionados ao abeiro da Orde do 29 de marzo de 2010 para a asignación de 2.325 MW de potencia na modalidade de novos parques eólicos en Galicia (DOG núm. 248, do 28 de decembro de 2010), admitiuse a trámite o parque eólico Outes, cunha potencia de 21 MW e promovido por Norvento, S.L.

Segundo. O 12.5.2011, Norvento, S.L. solicitou a autorización administrativa, a aprobación do proxecto de execución, a inclusión no réxime especial de produción de enerxía eléctrica, a aprobación do proxecto sectorial de incidencia supramunicipal e a declaración de utilidade pública, en concreto, do parque eólico.

Terceiro. Pola Resolución do 21 de decembro de 2022, da Dirección Xeral de Planificación Enerxética e Recursos Naturais, outorgáronse a autorización administrativa previa e a autorización administrativa de construción ás instalacións relativas ao proxecto do parque eólico Outes (DOG núm. 18, do 26 de xaneiro de 2023).

Cuarto. Pola Resolución do 22 de marzo de 2024, da Dirección Xeral de Planificación Enerxética e Recursos Naturais, recoñeceuse como non substancial unha modificación do parque eólico Outes.

Esta modificación consiste, con carácter xeral, no cambio do modelo de aeroxerador proxectado, pasando a un de maior potencia unitaria, o que permite suprimir unha das máquinas autorizadas (a OU01), quedando o proxecto composto por 5 aeroxeradores que permanecen nas localizacións autorizadas. A potencia evacuable mantense en 21 MW.

Quinto. O 11.12.2024, Norvento, S.L. presentou unha solicitude e a correspondente documentación técnica actualizada, en relación coa declaración de utilidade pública do parque eólico Outes, derivada da modificación non substancial da instalación, recollida no antecedente de feito cuarto.

O 19.12.2024 e o 8.4.2025, a promotora achegou documentación complementaria.

Sexto. O 10.7.2025, esta dirección xeral remitiulle ao Departamento Territorial da Consellería de Medio Ambiente e Cambio Climático da Coruña a documentación da solicitude de declaración de utilidade pública para a modificación do proxecto do parque eólico, a fin de continuar coa súa tramitación de acordo co establecido no artigo 44 da Lei 8/2009.

Sétimo. O 22.8.2025, o 26.9.2025, en resposta ao requirimento do 18.9.2025, e o 21.10.2025, a promotora achegou ao departamento territorial respectivas emendas de documentación.

Oitavo. Polo Acordo do 24 de novembro de 2025, do Departamento Territorial da Coruña, someteuse a información pública a solicitude de declaración de utilidade pública, en concreto, coa necesidade de urxente ocupación que iso implica, da modificación do proxecto do parque eólico.

O Acordo publicouse o 9.12.2025 no Diario Oficial de Galicia e no xornal La Voz de Galicia. Así mesmo, estivo exposto nos taboleiros de anuncios do Concello de Outes e do Concello de Negreira, segundo os certificados emitidos polos ditos concellos o 4.2.2026 e o 28.1.2026, respectivamente; no taboleiro de anuncios das dependencias do Departamento Territorial da Consellería de Medio Ambiente e Cambio Climático, segundo o certificado emitido o 10.2.2026, así como no portal web da citada consellería, durante un período de trinta días, contados a partir do día seguinte ao da súa publicación no DOG, de acordo co disposto nos artigos 33.10 e 44 da Lei 8/2009, do 22 de decembro.

Durante o período de exposición pública recibíronse tres alegacións, que foron remitidas e contestadas pola promotora.

Noveno. O 16.12.2025, o Departamento Territorial da Coruña remitiulles aos concellos de Negreira e Outes as consultas pola posible afección aos seus bens e dereitos, para que manifestasen a súa conformidade ou formulasen os reparos que considerasen oportunos, de acordo co disposto no artigo 44.4 da Lei 8/2009, do 22 de decembro, e no artigo 146 do Real decreto 1955/2000, do 1 de decembro. Transcorrido o prazo establecido, non se recibiu ningunha contestación nin obxección á declaración de utilidade pública da instalación.

Décimo. O 25.2.2026, o Servizo de Enerxía e Minas do Departamento Territorial da Consellería de Economía e Industria da Coruña emitiu un informe en que se conclúe que, de acordo cos datos que constan no Catastro mineiro de Galicia, no ámbito de afección do parque eólico Outes non hai ningún dereito mineiro.

Décimo primeiro. O 26.2.2026, o Departamento Territorial da Consellería de Medio Ambiente e Cambio Climático remitiu á Dirección Xeral de Enerxías Renovables e Cambio Climático a documentación relativa á tramitación da información pública e de consultas aos organismos afectados en relación coa solicitude de declaración de utilidade pública do parque eólico.

Entre a documentación remitida, inclúese o informe emitido o 20.2.2026 polo Servizo de Enerxías Renovables e Infraestruturas no que se conclúe que non se atoparon limitacións á constitución de servidumes a que se fai referencia no artigo 161 do Real decreto 1955/2000, do 1 de decembro.

Décimo segundo. O 3.3.2026, a Dirección Xeral de Planificación e Ordenación Forestal remitiu a esta dirección xeral o certificado de aproveitamentos de masas forestais relativo ao parque eólico, emitido o 27.2.2026 polo Servizo de Montes do Departamento Territorial da Coruña da Consellería do Medio Rural. Neste certificado indícase que o espazo territorial proxectado para o parque eólico non afecta montes públicos demaniais ou patrimoniais, non afecta montes xestionados pola Consellería do Medio Rural con consorcio ou convenio, nin montes veciñais en man común.

Décimo terceiro. O 10.3.2026, a promotora achegou a declaración responsable dos acordos acadados actualizada, así como a correspondente relación de bens e dereitos afectados definitiva. O 13.3.2026, a promotora achegou documentación complementaria.

Aos antecedentes de feito descritos sonlles de aplicación os seguintes

Fundamentos de dereito:

Primeiro. A Dirección Xeral de Enerxías Renovables e Cambio Climático é competente para resolver este procedemento con fundamento no Decreto 49/2024, do 22 de abril, polo que se fixa a estrutura orgánica das consellerías da Xunta de Galicia, no Decreto 137/2024, do 20 de maio, polo que se establece a estrutura orgánica da Consellería de Medio Ambiente e Cambio Climático (modificado entre outros polo Decreto 106/2025, do 11 de novembro), e na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, pola Lei 9/2021, do 25 de febreiro, de simplificación administrativa e de apoio á reactivación económica de Galicia, polo artigo 39 da Lei 18/2021, do 27 de decembro, de medidas fiscais e administrativas, polo artigo 46 da Lei 7/2022, do 27 de decembro, de medidas fiscais e administrativas, polo artigo 39 da Lei 10/2023, do 28 de decembro, de medidas fiscais e administrativas, pola disposición derradeira segunda da Lei 2/2024, do 7 de novembro, de promoción dos beneficios sociais e económicos dos proxectos que utilizan os recursos naturais de Galicia, polo artigo 30 da Lei 5/2024, do 27 de decembro, de medidas fiscais e administrativas, e polo artigo 24 da Lei 5/2025, do 23 de decembro, de medidas fiscais e administrativas.

Segundo. No expediente instruído para o efecto cumpríronse os trámites de procedemento establecidos na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, na Lei 39/2015, do 1 de outubro, do procedemento administrativo común das administracións públicas, e demais normas vixentes de aplicación.

Terceiro. De acordo co artigo 56.1 da Lei 24/2013, do 26 de decembro, do sector eléctrico, e co artigo 44 da Lei 8/2009, do 22 de decembro, a declaración de utilidade pública leva implícita en todo caso a necesidade de ocupación dos bens ou de adquisición dos dereitos afectados, e implica a urxente ocupación para os efectos do artigo 52 da Lei do 16 de decembro de 1954, sobre expropiación forzosa.

Cuarto. No que respecta ás alegacións recibidas durante o trámite de información pública recollido no antecedente de feito oitavo, visto o seu contido e as respostas efectuadas pola promotora, cómpre indicar o seguinte:

– Sobre as alegacións referentes á titularidade e a dereitos de usufruto sobre algunhas das parcelas afectadas, así como ao tipo de cultivo existente, cómpre indicar que se tomou razón das manifestacións e documentos presentados polas persoas interesada, para os efectos da tramitación do eventual procedemento expropiador.

– En relación coa alegación achegada por Retevision I, S.A.U., en que se pon de manifesto que o proxecto podería producir leves afeccións sobre os servizos de difusión do sinal de televisión que presta a dita sociedade, indícase que, de acordo co establecido na condición oitava da Resolución do 21 de decembro de 2022 pola que se outorgaron as autorizacións administrativas previa e de construción ao parque eólico, «no caso de que se manifestasen perturbacións na recepción do sinal da TDT, directamente atribuíbles ás instalacións do parque eólico, Norvento, S.L. deberá adoptar as medidas necesarias para devolverlle á recepción do sinal as anteriores condicións de calidade».

De acordo con todo o que antecede,

RESOLVO:

Primeiro. Declarar a utilidade pública, en concreto, da modificación do proxecto do parque eólico Outes, sito nos concellos de Outes e Negreira (A Coruña) e promovido por Norvento, S.L. (IN661A 2010/13), segundo o previsto nos artigos 54 e 56 da Lei 24/2013, do 26 de decembro, do sector eléctrico, o que leva implícita a necesidade de ocupación dos bens ou de adquisición dos dereitos afectados e implica a urxente ocupación, para os efectos do artigo 52 da Lei de expropiación forzosa do 16 de decembro de 1954 (BOE núm. 351, do 17 de decembro), en relación coas parcelas recollidas no anexo desta resolución.

Segundo. Esta resolución publicarase no Diario Oficial de Galicia, de acordo co establecido no artigo 148 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

Contra a presente resolución, que non pon fin á vía administrativa, poderase interpoñer recurso de alzada ante a conselleira de Medio Ambiente e Cambio Climático, no prazo dun mes contado a partir do día seguinte ao da súa notificación, de conformidade cos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 24 de marzo de 2026

Paula Mª Uría Traba
Directora xeral de Enerxías Renovables e Cambio Climático

ANEXO

Relación de bens e dereitos afectados pola modificación do proxecto do parque eólico Outes

Nº de parc.	Titular proposto	Parcela						Afeccións (m²)
	Nome e apelidos	Datos catastrais				Lugar	Cultivo	Pleno dominio					Servidume de paso			Serv. voo aero	Serv. voo aero e vía	Serv. voo aero e gabia	Serv. voo aero, vía e gabia	Oc. temp.
Referencia catastral		Concello	Pol.	Parc.	Nº aero			Cim.	Plat.	Sub.	T. met.	Vía	Gabia	Vía e gabia
1.A	María del Pilar Nieto Blanco (Rpte. Vera Cruz Nieto)	15063A02700468	Outes	27	468	Laxiñas	Monte baixo						118
2	María del Pilar Nieto Blanco (Rpte. Vera Cruz Nieto)	15063A02700467	Outes	27	467	Laxiñas	Monte baixo						47
3	José Domínguez Corbal	15063A02700464 15063A02700465 15063A02709008	Outes	27	464 465 9008	Laxiñas	Monte alto						194
4	José Domínguez Corbal	15063A02700466	Outes	27	466	Laxiñas	Monte alto						11
5	Vicente Tuñas Fontáns (Rpte. Aurelio Pensado Iglesias)	15063A02700445 15063A02700464 15063A02709008	Outes	27	445 464 9008	Campo Grande	Monte alto						310
6	Vicente Tuñas Fontáns (Rpte. Aurelio Pensado Iglesias)	15063A02700463 15063A02700446	Outes	27	463 446	Campo Grande	Monte alto						37
7	Manuel Santos Sieira	15063A02700444 15063A02700445 15063A02709008	Outes	27	444 445 9008	Campo Grande	Monte alto						243
8	Manuel Santos Sieira	15063A02700463 15063A02700446	Outes	27	463 446	Campo Grande	Monte alto						76
11	Herdeiros de Domingo Sieira Blanco (Rpte. Isabel García Sieira)	15063A02700442 15063A02700443 15063A02709008	Outes	27	442 443 9008	Campo Grande	Monte alto						210
12	Herdeiros de Domingo Sieira Blanco (Rpte. Isabel García Sieira)	15063A02700448	Outes	27	448	Campo Grande	Monte alto						186
24	Sofía Gorgal Negreira Juana Francisca Guzmán Gorgal Argentina Guzmán Gorgal Silvia Guzmán Teiga Cristina Guzmán Teiga Inés Guzmán Teiga Angelina Gorgal García Laureana Nieto Barbazán	15063A02700708	Outes	27	708	Penedo	Monte alto						48
25	Sofía Gorgal Negreira Juana Francisca Guzmán Gorgal Argentina Guzmán Gorgal Silvia Guzmán Teiga Cristina Guzmán Teiga Inés Guzmán Teiga Angelina Gorgal García Laureana Nieto Barbazán	15063A02700613	Outes	27	613	Penedo	Monte alto						54
41	Angelina Gorgal García	15063A02700615	Outes	27	615	Saltadores	Monte alto						30
43	Sofía Gorgal Negreira Juana Francisca Guzmán Gorgal Argentina Guzmán Gorgal Silvia Guzmán Teiga Cristina Guzmán Teiga Inés Guzmán Teiga Angelina Gorgal García Laureana Nieto Barbazán	15063A02700616	Outes	27	616	Saltadores	Monte alto						30
46	Antonio Santos Sieira	15063A02700697	Outes	27	697	Saltadores	Monte alto						13
47	Antonio Santos Sieira	15063A02700363	Outes	27	363	Saltadores	Monte baixo						172
49	Vicente Tuñas Fontáns (Rpte. Aurelio Pensado Iglesias)	15063A02700360	Outes	27	360	Saltadores	Monte baixo						160
55	Manuel Santos Sieira	15063A02700355	Outes	27	355	Canle dos Bellotes	Monte baixo						183
56	Manuel Santos Sieira	15063A02700693 15063A02700718	Outes	27	693 718	Canle dos Bellotes	Monte baixo						19
57	Manuel Santos Sieira	15063A02700355 15063A02700719	Outes	27	355 719	Canle dos Bellotes	Monte baixo						179
88	José María Lema Nieto	15063A02700687 15063A02700688	Outes	27	687 688	Canle dos Bellotes	Monte baixo						47							46
89	José María Lema Nieto	15063A02700347 15063A02700348	Outes	27	347 348	Canle dos Bellotes	Monte alto						301
93	Vicente Tuñas Fontáns (Rpte. Aurelio Pensado Iglesias)	15063A02700686	Outes	27	686	Canle dos Bellotes	Monte baixo						115
95	Vicente Tuñas Fontáns (Rpte. Aurelio Pensado Iglesias)	15063A02700686	Outes	27	686	Canle dos Bellotes	Monte baixo						130
96.A	Descoñecido (Fiscal da Audiencia Provincial) Manuel Garea García-Malvar	15063A02700251	Outes	27	251	Monte Agudo	Monte baixo													6
96.B	Descoñecido (Fiscal da Audiencia Provincial) Manuel Garea García-Malvar	15063A02700250	Outes	27	250	Monte Agudo	Monte baixo													120
104A	Descoñecido (Fiscal da Audiencia Provincial) Manuel Garea García-Malvar	15063A02700682	Outes	27	682	Monte Agudo	Monte baixo													15
119	Antonio Santos Sieira	15063A02700536	Outes	27	536	Monte Agudo	Monte baixo						301
121	Felicindo Barbazán Nieto Hermosinda Barbazán Nieto	15063A02700535 15063A02700672	Outes	27	535 672	Pedra Ventana	Monte baixo						306							37
124	Do Artesanato Cac, S.L.	15063A02700534 15063A02700670 15063A02700671	Outes	27	534 670 671	Pedra Ventana	Monte baixo						166
128	José María Lema Nieto María Hermitas Lema Nieto	15063A02700667 15063A02700668	Outes	27	667 668	Pedra Ventana	Monte baixo						263
137	Do Artesanato Cac, S.L.	15063A02700662 15063A02700525	Outes	27	662 525	Pedra Ventana	Monte baixo						80							23
139	José María Lema Nieto María Hermitas Lema Nieto	15063A02700661	Outes	27	661	Rego da Camba	Monte baixo						233
146	Hermosinda Barbazán Nieto Felicindo Barbazán Nieto	15063A02700565 15063A02700571	Outes	27	565 571	Camiño Real Pedra Ventana	Monte baixo						683
165	María Teresa Sieira Casais	15063A02800144 15063A02800145 15063A02809014	Outes	28	144 145 9014	Campo das Vailas	Monte baixo						61
181	María Isabel Antelo Nieto	15063A02800184	Outes	28	184	Canle Covo	Monte baixo									116
183	José Manuel Tomé Antelo	15063A02800168 15063A02800206 15063A02800227 15063A02800228	Outes	28	168 206 227 228	Canle Covo	Monte baixo						701		141	1.152	287		18
189	María Josefa Campos Ferreiro e outros	15063A02800188 15063A02800189	Outes	28	188 189	Canle Covo	Monte baixo						121		10					71
190	María Josefa Campos Ferreiro e outros	15063A02800189 15063A02800190	Outes	28	189 190	Canle Covo	Monte baixo						151		12					85
191	María José Louzao Campos e outros	15063A02800190 15063A02800191	Outes	28	190 191	Canle Covo	Monte baixo						186		12					91
192	María José Louzao Campos e outros	15063A02800191 15063A02800192	Outes	28	191 192	Canle Covo	Monte baixo						166		17					131
193	María José Louzao Campos e outros	15063A02800192	Outes	28	192	Canle Covo	Monte baixo						80		20					137
194	Julia Campos Lourido Manuel Campos Lourido José Campos Lourido e outros	15063A02800193 15063A02800196	Outes	28	193 196	Canle Covo	Monte baixo						39		1					205
195	María Josefa Campos Ferreiro e outros	15063A02800196	Outes	28	196	Canle Covo	Monte baixo						47							186
207	Masa común (Concello de Negreira) Asociación de Veciños San Pedro de Xallas (usufrutuario)	15057A51320729	Negreira	513	20729	Salgueira	Monte alto			1.285		69	1.830		393	749	30		12	1.084
208	Ramón Joaquín Antelo Santos	15063A02800168 15063A02800209 15063A02800228	Outes	28	168 209 228	Chan da Millareira Brañas do Pedrouso Campo do Campelo	Monte baixo			261			815		80					49
242	José Manuel Tomé Antelo	15063A02900491 15063A02900492	Outes	29	491 492	Pedras do Sabade	Monte baixo						6
248	María José Louzao Campos María Josefa Campos Ferreiro Isolina Campos Lourido e outros	15063A02900500	Outes	29	500	Fervenzas	Monte baixo						3			147	55
249	María José Louzao Campos María Josefa Campos Ferreiro Isolina Campos Lourido e outros	15063A02900500 15063A02900501	Outes	29	500 501	Fervenzas	Monte baixo						36
250	María José Louzao Campos María Josefa Campos Ferreiro Isolina Campos Lourido e outros	15063A02900501	Outes	29	501	Fervenzas	Monte baixo						33
250.A	Descoñecido (Fiscal da Audiencia Provincial) Manuel Garea García-Malvar	15063A02900509	Outes	29	509	Fervenzas	Monte baixo													1
250.B	Descoñecido (Fiscal da Audiencia Provincial) Manuel Garea García-Malvar	15063A02900510	Outes	29	510	Fervenzas	Monte baixo													2
250.C	Descoñecido (Fiscal da Audiencia Provincial) Manuel Garea García-Malvar	15063A02900511	Outes	29	511	Fervenzas	Monte baixo													3
250.D	Descoñecido (Fiscal da Audiencia Provincial) Manuel Garea García-Malvar	15063A02900512	Outes	29	512	Fervenzas	Monte baixo													4
250.E	Descoñecido (Fiscal da Audiencia Provincial) Manuel Garea García-Malvar	15063A02900513	Outes	29	513	Fervenzas	Monte baixo													4
250.F	Descoñecido (Fiscal da Audiencia Provincial) Manuel Garea García-Malvar	15063A02900514	Outes	29	514	Fervenzas	Monte baixo													3
250.G	Descoñecido (Fiscal da Audiencia Provincial) Manuel Garea García-Malvar	15063A02900515	Outes	29	515	Fervenzas	Monte baixo													26
250.H	Descoñecido (Fiscal da Audiencia Provincial) Manuel Garea García-Malvar	15063A02900516	Outes	29	516	Fervenzas	Monte baixo													14
250.I	Descoñecido (Fiscal da Audiencia Provincial) Manuel Garea García-Malvar	15063A02900517	Outes	29	517	Fervenzas	Monte baixo													8
250.J	Descoñecido (Fiscal da Audiencia Provincial) Manuel Garea García-Malvar	15063A02900518	Outes	29	518	Fervenzas	Monte baixo													8
264	José Antelo Lourido	15063A02900519	Outes	29	519	Fervenzas	Monte baixo													37
306	Antonio García Leis María Gemma Martínez García Manuel Garea García-Malvar	15057A02900027 15063A02909030	Negreira	29	27 9030	Laxe	Monte alto	OU06		346						359
313	Angelina Gorgal García	15057A02900003 15057A02900004	Negreira	29	3 4	Chan da Lagoa	Monte alto						219			1.067	11			528

Tipos de afeccións, en metros cadrados (m²).

– Superficie de pleno dominio:

• Núm. aero: número aeroxerador.

• Cim.: cimentación do aeroxerador, superficie de afección para a execución das cimentacións dos aeroxeradores.

• Plat.: plataforma, superficie de afección para a execución das plataformas dos aeroxeradores e da torre meteorolóxica.

• Sub: subestación, superficie de afección para a execución da subestación transformadora e do edificio de control.

• T. met.: torre meteorolóxica, superficie de afección para a execución da súa cimentación.

– Servidume de paso:

• Vía: servidume de paso polas vías polas que circularán os transportes para a construción, conservación e reparación das instalacións do parque eólico.

• Gabia: servidume de paso nas canalizacións do tendido eléctrico soterrado.

– Serv. de voo: servidume comprendida dentro do voo das pas de cada aeroxerador.

– Oc. temp: ocupacións e actuacións temporais dos terreos para zona de amoreamento de materiais e compoñentes dos aeroxeradores, manobra de vehículos e instalación de casetas de obra.

– Inclúense os seguintes tipos de solapamentos entre servidumes:

• Vía e gabia: abrangue aquelas zonas onde coinciden as afeccións de vía-gabia.

• Serv. voo aero e vía: abrangue aquelas zonas onde coinciden as afeccións de servidume do voo e vía.

• Serv. voo aero e gabia: abrangue aquelas zonas onde coinciden as afeccións de servidume do voo e gabia.

• Serv. voo aero, vía e gabia: abrangue aquelas zonas onde coinciden as tres afeccións, servidume do voo, vía e gabia.