De conformidade co disposto no artigo 22.3 da Lei 3/2007, do 9 de abril, de prevención e defensa contra os incendios forestais de Galicia, e dado que non se pode determinar a identidade da persoa responsable da xestión da biomasa ou se ignora o lugar de notificación, os titulares dos bens que se relacionan a continuación son descoñecidos e resulta imposible a súa notificación ou esta resultou rexeitada, comunícase ás persoas responsables a súa obriga legal de xestión da biomasa, e retirada de especies arbóreas prohibidas nos parcelas que se describen, imposta polo artigo 22.1 da Lei 3/2007, do 9 de abril, de prevención e defensa contra os incendios forestais de Galicia:

RESOLVE:

Primeiro. Requerir os/as titulares dos predios relacionados para que procedan na súa obriga de xestionar a biomasa vexetal por comprobarse na acta de inspección de referencia que na referida parcela se incumpre o establecido no artigo 21 da Lei 3/2007, polo que debe efectuar a xestión da biomasa no prazo de 15 días naturais desde a publicación do presente decreto no BOE, e proceder á corta de eucaliptos, piñeiros, acacias e outras especies incluídas no anexo I da Lei 3/2007 así como á limpeza da maleza, nos terreos da súa propiedade de Salceda de Caselas e que se relacionan a seguir:

Exp.	Data acta comprobación	Ref. catastral	Pol.	Parc.	Localización	Titular
0888/2024	18.6.2024	36049A041009270000KH	41	927	O Mallón	Besada Rodríguez, Hortensia Concepción (Herdeiros de)
0888/2024	18.6.2024	36049A041009280000KW	41	928	O Mallón	Besada Rodríguez, María Josefa (Herdeiros de)
2625/2024	30.12.2024	36049A044007380000KP	44	738	Sobredo	En investigación
2625/2024	30.12.2024	36049A044007470000KK	44	747	Sobredo	En investigación
2625/2024	30.12.2024	36049A044007520000KD	44	752	Sobredo	Rodríguez González, Encarnación
2625/2024	30.12.2024	36049A044012350000KF	44	1235	Sobredo	Pérez Alonso Prudencio (Herdeiros de)
2625/2024	30.12.2024	36049A044007480000KR	44	748	Sobredo	Fandiño Fernández Wenceslao
0041/2025	10.1.2025	36049A012014430000KZ	12	1443	O Pazo	Fernández Fernández Pelagio
0213/2025	11.2.2025	36049A020005400000KX	20	540	A Lavandeira	En investigación
0213/2025	11.2.2025	36049A020015420000KX	20	1542	A Lavandeira	En investigación
0213/2025	11.2.2025	36049A020006060000KS	20	606	A Lavandeira	En investigación
0213/2025	11.2.2025	36049A020006170000KG	20	617	A Lavandeira	En investigación
0213/2025	11.2.2025	36049A020006150000KB	20	615	A Lavandeira	En investigación
2090/2025	27.8.2025	36049A012014320000KK	12	1432	O Pazo	Pérez Fernández, Jesusa
2156/2025	28.8.2025	36049A012017160000KO	12	1716	O Castro	Ángel Estévez Martínez (Herdeiros de)
2174/2025	22.9.2025	36049A024005430000KJ	24	543	O Barral	Promociones Dispacon, S.A.
2210/2025	24.9.2025	36049A023000110000KT	23	11	O Barral	Alonso Rodríguez Rosa
2307/2025	25.9.2025	36049A042003630000KH	42	363	O Mallón	Lameiro Silva Pilar (Herdeiros de)
2333/2025	26.9.2025	36049A044001810001LO	44	181	Sobredo	González Ramírez Ceferino
2434/2025	23.9.2025	36049A021010720000KX	21	1072	A Presa	En investigación

Segundo. Requerir a persoa denunciada que unha vez limpa a parcela deberá dar conta o Concello de Salceda de Caselas, co fin de levar a cabo a inspección dos traballos realizados.

Terceiro. Faise constar que en caso de persistencia no incumprimento transcorrido o dito prazo, poderanse impoñer multas coercitivas reiteradas cada 3 meses, cuxa contía será de 900 € por hectáreas de superficie de parcela non xestionada, ou a parte proporcional se a área for inferior, mentres persista o incumprimento, ou ben proceder á execución subsidiaria a través da realización pola administración das actuacións materiais necesarias, con repercusión dos custos de xestión da biomasa e, no seu caso, comiso das especies arbóreas prohibidas retiradas pola Administración, nas condicións establecidas neste aspecto. En todo caso, a contía mínima a impoñer por multa coercitiva será de 100 € con independencia das hectáreas que integren a superficie da parcela non xestionada, nas condicións establecidas no artigo 22.2 da precitada Lei 3/2007, do 9 de abril, de prevención e defensa contra os incendios forestais de Galicia, sen prexuízo da instrución do procedemento sancionador que corresponda. As persoas titulares dos terreos ou dos dereitos de aproveitamento terán a obriga legal de facilitar o acceso necesario para a realización dos traballos de xestión de biomasa e de retirada das especies arbóreas prohibidas. O suxeito que realice os traballos de execución subsidiaria terá a facultade de acceder sen consentimento da persoa titular, agás nos supostos excepcionais previstos legalmente, cando o acceso afecte, dentro da parcela, a espazos físicos susceptibles de merecer a cualificación de domicilio para os efectos do artigo 18.2 da Constitución española.

Cuarto. Advírtese que no caso de proceder á execución subsidiaria, o inicio das actuacións materiais necesarias pola Administración poderase verificar en calquera momento transcorrido o prazo máximo concedido, dentro dos catro anos posteriores, atendidas as súas posibilidades materiais e orzamentarias de actuación, sempre que se manteña o incumprimento. O concello procederá á liquidación provisional dos custos a que previsiblemente dará lugar, coa advertencia de que se procederá á súa exacción desde o momento no que se verifique o incumprimento da obriga de xestión da biomasa nos prazos sinalados no artigo 22 da Lei 3/2007, sen prexuízo da liquidación definitiva unha vez rematados os traballos, de ser o caso. A liquidación definitiva aprobarase unha vez finalizados os traballos de execución subsidiaria pola administración actuante que desenvolva as actuacións materiais de execución subsidiaria e será notificada á persoa responsable para o seu pagamento.

Neste caso, a liquidación provisional dos traballos necesarios para xestionar a biomasa nas faixas secundarias establécese nunha cantidade estimada que se mostra na seguinte táboa:

Nº de expediente	Ref. catastral	Ha afectadas por execución subsidiaria	Custo do tratamento	Liquidación provisional
0888/2024	36049A041009270000KH	0,046	3.545,82 €/ha custo mínimo de 500 €	500,00 €
0888/2024	36049A041009280000KW	0,093	3.545,82 €/ha custo mínimo de 500 €	500,05 €
2625/2024	36049A044007380000KP	0,066	3.545,82 €/ha custo mínimo de 500 €	735,09 €
2625/2024	36049A044007470000KK	0,060	3.545,82 €/ha custo mínimo de 500 €	713,10 €
2625/2024	36049A044007520000KD	0,137	3.545,82 €/ha custo mínimo de 500 €	986,13 €
2625/2024	36049A044012350000KF	0,048	3.545,82 €/ha custo mínimo de 500 €	500,00 €
2625/2024	36049A044007480000KR	0,048	3.545,82 €/ha custo mínimo de 500 €	500,00 €
0041/2025	36049A012014430000KZ	0,047	3.545,82 €/ha custo mínimo de 500 €	500,00 €
0213/2025	36049A020005400000KX	0,046	3.545,82 €/ha custo mínimo de 500 €	500,00 €
0213/2025	36049A020015420000KX	0,055	3.545,82 €/ha custo mínimo de 500 €	694,67 €
0213/2025	36049A020006060000KS	0,101	3.545,82 €/ha custo mínimo de 500 €	500,00 €
0213/2025	36049A020006170000KG	0,019	3.545,82 €/ha custo mínimo de 500 €	500,00 €
0213/2025	36049A020006150000KB	0,028	3.545,82 €/ha custo mínimo de 500 €	500,00 €
2090/2025	36049A012014320000KK	0,026	3.545,82 €/ha custo mínimo de 500 €	500,00 €
2156/2025	36049A012017160000KO	0,004	3.545,82 €/ha custo mínimo de 500 €	500,00 €
2174/2025	36049A024005430000KJ	0,099	3.953,15 €/ha custo mínimo de 500 €	889,39 €
2210/2025	36049A023000110000KT	0,094	874,91 €/ha custo mínimo de 500 €	582,07 €
2307/2025	36049A042003630000KH	0,056	3.545,82 €/ha custo mínimo de 500 €	697,50 €
2333/2025	36049A044001810001LO	0,061	3.953,15 €/ha custo mínimo de 500 €	742,33 €
2434/2025	36049A021010720000KX	0,077	3.545,82 €/ha custo mínimo de 500 €	771,96 €

Quinto. Advírtese que a falta de cumprimento das obrigas indicadas é constitutiva de infracción administrativa, polo que dará lugar ao comezo do procedemento sancionador que corresponda, no que poderán adoptarse medidas de carácter provisional consistentes en traballos preventivos de xestión da biomasa e retirada de especies arbóreas co obxectivo de evitar os incendios forestais e comiso das indicadas especies, segundo o previsto no título VII da Lei 3/2007.

a) Administración competente para sancionar (artigo 54 da Lei 3/2007):

1. Será competente para incoar o procedemento sancionador para as infraccións cometidas en terreos agrícolas, forestais e de influencia forestal a persoa titular da xefatura territorial da consellería con competencias en materia forestal por razón do territorio en que se cometeu a infracción ou daquel con maior superficie afectada.

2. Serán competentes para a resolución dos procedementos sancionadores por infraccións tipificadas nesta lei e incoados no ámbito da consellería con competencia en materia forestal:

a. A persoa titular do departamento territorial da consellería competente en materia forestal, para a imposición de sancións pola comisión de infraccións leves.

b. O órgano competente en materia forestal, para a imposición de sancións pola comisión de infraccións graves.

c. A persoa titular da consellería que teña asignada a competencia en materia forestal, para a imposición de sancións pola comisión de infraccións moi graves.

3. A incoación do procedemento sancionador en aplicación desta lei, por ausencia de ordenanzas municipais ao respecto, para as infraccións cometidas en solo urbano, de núcleo rural e urbanizable, será competencia do correspondente concello. A resolución dos expedientes pola comisión de infraccións leves, graves e moi graves corresponderalle á persoa titular da Alcaldía, de conformidade co establecido no número 3 do artigo 21.ter.

b) Cualificación da infracción: infracción leve (51.3.a) da Lei 3/2007, do 9 de abril, de prevención e defensa contra os incendios forestais de Galicia), sen prexuízo do establecido no artigo 51.2.g) para as faltas graves.

c) Contía máxima da sanción pecuniaria que se poida impor no caso de infracción leve: 1.000 € (artigo 74.a) da Lei 43/2003, do 21 de novembro, de montes, en relación co disposto no artigo 50.1 da Lei 3/2007. No caso de ser considerada infracción grave a contía máxima da sanción será de 100.000 € (artigo 74.b).

d) Procederase ao comiso cautelar da madeira resultante da corta das especies arbóreas que deban ser retiradas de acordo co establecido no artigo 22.2 da Lei 3/2007.

Sexto. Advertir novamente á persoa interesada que este concello está facultado para proceder á incoación do correspondente expediente de expropiación forzosa no suposto de incumprimento do disposto no presente decreto ao tratarse de titulares descoñecidos, sempre e cando os custos da limpeza superen o valor catastral da parcela tal e como establece a Lei 3/2007, de 9 de abril, de prevención e defensa contra os incendios forestais de Galicia e normativa complementaria.

Sétimo. Notificar este acordo ás persoas interesadas neste expediente administrativo a través da publicación no BOE e o DOG segundo o artigo 44 da Lei 39/2015, de 1 de outubro, do procedemento administrativo común das administracións públicas.

Contra a presente resolución que pon fin á vía administrativa, pode interpor alternativamente:

a) Recurso de reposición potestativo ante a alcaldesa deste concello no prazo dun mes contado desde o día seguinte ao da recepción da presente notificación, de conformidade cos artigos 123 e 124 da Lei 39/2015, de 1 de outubro, do procedemento administrativo común das administracións públicas.

b) Interpor directamente recurso contencioso-administrativo, ante o Xulgado do Contencioso-Administrativo de Pontevedra, no prazo de dous meses, contados desde o día seguinte ao da recepción da presente notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se optase por interpor o recurso de reposición potestativo non poderá interpor recurso contencioso-administrativo ata que aquel sexa resolto expresamente ou se produciu a súa desestimación por silencio.

c) Todo iso sen prexuízo de que se poida interpor calquera outro recurso que puidese considerar máis conveniente ao seu dereito.

Salceda de Caselas, 23 de marzo de 2026

Mª Dolores Castiñeira Alén
Alcaldesa