DOG 71 do 17/4/2026 - CORRECCIÓN DE ERROS. Resolución do 7 de abril de 2026, da Dirección Xeral de Emprego Público e Administración de Persoal, pola que se ordena a publicación do acordo do Consello da Xunta de Galicia polo que se autorizan os criterios de repartición e a convocatoria do Fondo de Acción Social para o exercicio económico do ano 2025, relativos á axuda para a atención de persoas con discapacidade.

III. Outras disposicións

Consellería de Facenda e Administración Pública

CORRECCIÓN DE ERROS. Resolución do 7 de abril de 2026, da Dirección Xeral de Emprego Público e Administración de Persoal, pola que se ordena a publicación do acordo do Consello da Xunta de Galicia polo que se autorizan os criterios de repartición e a convocatoria do Fondo de Acción Social para o exercicio económico do ano 2025, relativos á axuda para a atención de persoas con discapacidade.

Advertidos erros na publicación da citada resolución, publicada no DOG número 69, do mércores 15 de abril de 2026, cómpre realizar as seguintes correccións:

Na páxina 22888, onde di:

«2. Que conviva co cónxuxe, parella de feito, fillos/as ou ascendentes de 1º grao por consanguinidade ou afinidade ou suxeitos a unha medida de apoio:

a) Que teñan unha discapacidade física, psíquica ou sensorial recoñecida polo organismo competente antes do 1 de xaneiro de 2025 nun grao igual ou superior ao 75 %.

b) Que teñan unha discapacidade física, psíquica ou sensorial recoñecida polo organismo competente antes do 1 de xaneiro de 2025 nun grao igual ou superior ao 33 % e inferior ao 75 % e perciba ingresos inferiores a 15.876 euros anuais en concepto de rendementos de traballo ou de prestación que teña tal consideración.».

Debe dicir:

«2. Que conviva co cónxuxe, parella de feito, fillos/as ou ascendentes de 1º grao por consanguinidade ou afinidade ou suxeitos a unha medida de apoio:

a) Que teñan unha discapacidade física, psíquica ou sensorial recoñecida polo organismo competente antes do 1 de xaneiro de 2026 nun grao igual ou superior ao 75 %.

b) Que teñan unha discapacidade física, psíquica ou sensorial recoñecida polo organismo competente antes do 1 de xaneiro de 2026 nun grao igual ou superior ao 33 % e inferior ao 75 % e perciban ingresos inferiores a 15.876 euros anuais en concepto de rendementos de traballo ou de prestación que teña tal consideración.».