De conformidade co disposto nos artigos 42, 44 e 46 da Lei 39/2015, do 1 de outubro, do procedemento administrativo común das administracións públicas, intentada a notificación (por dúas veces) da resolución de desistencia ditada polo director da Axencia de Turismo de Galicia no enderezo da persoa interesada sen que esta se puidese realizar, notifícaselle a resolución á persoa citada no anexo emprazándoa para que no prazo de dez (10) días, contados a partir do día seguinte á data de publicación deste anuncio no Boletín Oficial del Estado, compareza persoalmente ou mediante unha persoa debidamente acreditada, na Área Provincial de Turismo da Coruña (rúa Vicente Ferrer, 2-2º, A Coruña), das 9.00 ás 14.00 horas, para coñecer o contido íntegro da resolución. Advírtese que, de non comparecer, se lle dará por notificada.

Contra a resolución, que se notifica neste acto, poderá interpor un recurso potestativo de reposición ante a Axencia de Turismo de Galicia no prazo dun mes contado a partir do día seguinte ao da súa notificación, ou ben directamente recurso contencioso-administrativo ante o Xulgado do Contencioso-Administrativo de Santiago de Compostela no prazo de dous meses contado desde o día seguinte ao da súa notificación, conforme o disposto nos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa.

A Coruña, 8 de abril de 2026

Ana T. Cimas Hernando
Xefa da Área Provincial de Turismo da Coruña

ANEXO

Establecemento: vivenda de uso turístico Apartamento Cabañas Playa.

Titular: David Sanz Díez.

Enderezo: rúa Pinemar, 15, 3º B.

Concello: 15622 Cabanas.