Esta área provincial acordou o inicio do expediente de baixa de oficio co fundamento xurídico recollido nos artigos 42.1, 44.2, 44.3 e 46 da Lei 7/2011, do 27 de outubro, do turismo de Galicia, así como no artigo 69.1 e 3 da Lei 39/2015, do 1 de outubro, do procedemento administrativo común das administracións públicas.

De conformidade co disposto nos artigos 44 e 82 da Lei 39/2015, do 1 de outubro, do procedemento administrativo común das administracións públicas, notifícaselles e outórgaselles audiencia ás persoas titulares dos establecementos que no anexo se mencionan, no procedemento de baixa e cancelación da inscrición no Rexistro de Empresas e Actividades Turísticas da Comunidade Autónoma de Galicia, para que no prazo de dez (10) días poidan efectuar as alegacións que consideren pertinentes, podendo examinar o expediente e obter copias dos documentos contidos nel na Área Provincial de Pontevedra da Axencia de Turismo de Galicia.

Pontevedra, 7 de abril de 2026

Felipe Ferrero González
Xefe da Área Provincial de Turismo de Pontevedra

ANEXO

Establecemento	Signatura	Razón social	Domicilio	Concello
Piso Mondariz Balneario	VUT-PO-002711	José Ramón Juan Ruiz de Ocenda Barrio	Praza Fundadores, 32, 1º	Mondariz Balneario
Casa Maquieira	VUT-PO-005104	Eva María Vázquez Morrazo	Lugar As Pereiras, 2 C	Meis