Na sesión ordinaria do 26 de marzo de 2026, o Pleno municipal acordou:

Primeiro. Aprobar definitivamente o Plan especial de infraestruturas e dotación para a ampliación e urbanización do cemiterio de San Martiño de Lestón, asinado polo arquitecto Ángel Luis Monteoliva Díaz, cuxo código, segundo as NN.TT.P, é 15041_PEID_LESTON_202603_AD, e cuxo documento en formato dixital non editable ten pegada dixital

215c9676ae0050d64ee555f5df6fbaf8879b1605b100867784b4b6fed1813a23h

Segundo. Publicar a aprobación definitiva no Diario Oficial de Galicia, para os efectos do establecido no artigo 82 da Lei 2/2016, do 10 de febreiro, do solo de Galicia. Esta publicación deberá realizarse no prazo dun mes desde a adopción da aprobación definitiva. Igualmente, xunto coa publicación deste acordo publicarase a indicación das medidas adoptadas para o seguimento dos efectos no ambiente da aplicación do plan e a referencia ao enderezo electrónico en que figurará o contido íntegro do plan ao dispor do público.

Terceiro. Comunicarlle o acordo de aprobación definitiva, en virtude do artigo 88 da Lei 2/2016, do 10 de febreiro, do solo de Galicia, á consellería competente en materia de urbanismo, para a súa inscrición no Rexistro de Ordenación do Territorio e Planeamento Urbanístico de Galicia, anexando un exemplar en soporte dixital, debidamente dilixenciado.

Cuarto. Notificarlles individualmente a aprobación definitiva do plan especial a todas as persoas titulares catastrais dos terreos afectados ás cales xa se lles notificou a súa aprobación inicial, de conformidade co artigo 186.4 do Regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro.

O contido íntegro do plan estará ao dispor do público na sede electrónica (artigo 82.2 da Lei 2/2016, do solo de Galicia (LSG), e 199.2 do Regulamento da Lei do solo (LSG).

As medidas adoptadas para o seguimento dos efectos no ambiente da aplicación do plan están recollidas no documento 15041_PEID_LESTON_202603_AD_AAE_01DAE e documento _ 15041_PEID_LESTON_202603_AD_NU.

Este plan especial é unha disposición xeral, polo que contra el se poderá interpor recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, de conformidade cos artigos 10 e 46 da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da publicación desta disposición, sen prexuízo de calquera outro recurso que se considere procedente.

A Laracha, 16 de abril de 2026

José Manuel López Varela
Alcalde