O Consello da Xunta de Galicia, na súa reunión do 4 de maio de 2026, adoptou, por proposta da Consellería de Vivenda e Planificación de Infraestruturas, o acordo polo que se determinan os ingresos para acceder ás vivendas protexidas e se fixan os seus prezos máximos de venda e renda.
En consecuencia, resolvo proceder á súa publicación no Diario Oficial de Galicia. O citado acordo producirá efectos desde o día seguinte ao da súa publicación no Diario Oficial de Galicia.
Santiago de Compostela, 6 de maio de 2026
Heriberto García Porto
Director xeral do Instituto Galego da Vivenda e Solo
ACORDO:
Determinar os ingresos para acceder ás vivendas protexidas e fixar os seus prezos máximos de venda e renda, conforme a proposta da conselleira de Vivenda e Planificación de Infraestruturas, que se xunta.
ANEXO
Acordo polo que se determinan os ingresos para acceder ás vivendas
protexidas e se fixan os seus prezos máximos de venda e renda
O artigo 63.1 da Lei 8/2012, do 29 de xuño, de vivenda de Galicia, na nova redacción dada pola Lei 5/2024, do 27 de decembro, de medidas fiscais e administrativas, establece que poderán acceder a unha vivenda protexida, en réxime de dominio ou dereito de uso ou desfrute, inter vivos, na primeira ou ulteriores transmisións, a título oneroso ou gratuíto, voluntariamente ou en vía executiva, as persoas residentes en Galicia, así como as persoas emigrantes retornadas que, carecendo dunha vivenda en propiedade, acrediten os ingresos que se concreten mediante acordo do Consello da Xunta de Galicia e cumpran os requisitos que regulamentariamente se establezan para o acceso a este tipo de vivendas.
En cumprimento do citado precepto, polo Acordo do Consello da Xunta de Galicia, do 20 de xaneiro de 2025, determináronse os ingresos para acceder ás vivendas protexidas. Non obstante, ante a situación de notable incremento do prezo da vivenda e a dificultade do seu acceso a unha parte importante da cidadanía, resulta necesario regular novamente os ditos tramos de ingresos, así como a súa ponderación.
Por outra parte, o artigo 66.1 da Lei 8/2012, do 29 de xuño, na redacción dada pola Lei 5/2024, do 27 de decembro, remítese a un acordo do Consello da Xunta para determinar os prezos máximos de venda e renda das vivendas protexidas, tanto en primeira como en posteriores transmisións.
En virtude do dito precepto, aprobouse o Acordo do Consello da Xunta de Galicia, do 23 de febreiro de 2026, polo que se fixan os prezos máximos de venda e renda das vivendas protexidas de promoción pública, se determinan as zonas xeográficas para a fixación dos prezos das vivendas protexidas e se modifica o Acordo do Consello da Xunta de Galicia, do 10 de xuño de 2024, polo que se fixan os prezos máximos de venda e renda das vivendas protexidas de protección autonómica na primeira ou posteriores transmisións. Entre outras decisións, no Acordo do 23 de febreiro o Consello da Xunta decidiu equiparar os prezos máximos das vivendas de promoción pública (en diante, VPP) cos das vivendas protexidas de promoción autonómica (en diante, VPA) de réxime especial.
Pola Resolución da Dirección Xeral do Instituto Galego da Vivenda e Solo, do 2 de marzo de 2026, o Acordo do 23 de febreiro publicouse no Diario Oficial de Galicia (en diante, DOG) núm. 47, do 11 de marzo de 2026, e produciu efectos, conforme o disposto nel, a partir do día seguinte ao da dita data.
Por outra parte, os prezos máximos das VPA son os previstos no Acordo do Consello da Xunta de Galicia, do 10 de xuño de 2024, polo que se fixan os prezos máximos de venda e renda das vivendas protexidas de protección autonómica na primeira ou posteriores transmisións, así como no Acordo do 23 de febreiro de 2026, antes citado.
Procede neste momento actualizar os prezos das VPA co fin de garantir a viabilidade da súa construción, o que leva consigo a necesidade de modificar tamén os prezos máximos das VPP. Sobre o prezo máximo destas últimas proponse unha bonificación do 30 % para todas as persoas adxudicatarias con ingresos inferiores a 4 veces o IPREM ou 4,5 veces, no caso de familias numerosas.
As ditas propostas en ningún caso supoñen unha modificación das zonas xeográficas para a fixación dos prezos das vivendas protexidas, manténdose as determinadas no Acordo do Consello da Xunta de Galicia do 23 de febreiro de 2026.
Á vista do anterior, proponse a adopción do seguinte
ACORDO:
Primeiro. Determinar os seguintes ingresos máximos para o acceso ás vivendas protexidas:
1. Os ingresos máximos para o acceso ás vivendas protexidas serán os seguintes:
|
Clase de vivenda protexida |
Modalidade/réxime |
Tramos de ingresos máximos |
|
Vivenda de promoción pública (VPP) |
Con carácter xeral |
4 veces o IPREM |
|
Familias numerosas |
4,5 veces o IPREM |
|
|
En núcleo rural e conxuntos históricos |
5,5 veces o IPREM |
|
|
Vivenda de protección autonómica (VPA) |
Especial |
4,5 veces o IPREM |
|
Xeral |
5,5 veces o IPREM |
|
|
Concertado |
6,5 veces o IPREM |
Para estes efectos, o número de veces do IPREM ponderarase en función dos seguintes coeficientes correctores, segundo corresponda:
Familias dun membro: 1,00.
Familias de dous membros: 0,75.
Familias de tres membros: 0,68.
Familias de catro membros: 0,67.
Familias de cinco ou máis membros: 0,65.
Non obstante, establécense as seguintes regras especiais:
a) Se, de acordo coas condicións establecidas na normativa do imposto sobre a renda das persoas físicas, algún membro da unidade familiar é unha persoa con discapacidade, o coeficiente corrector aplicable será o do tramo seguinte ao que lle correspondese.
b) No caso de mulleres xestantes, o/a fillo/a ou fillos/as concibidos/as e non nacidos/as contarán como membros da unidade familiar para os efectos da aplicación do coeficiente corrector, sempre que na aplicación desta fórmula se obteña un maior beneficio. Igual tratamento terán os supostos de adopción en trámite.
c) Se a unidade de convivencia está composta por máis dunha unidade familiar das establecidas na normativa do imposto sobre a renda das persoas físicas, os ingresos de cada unidade familiar, convertidos en número de veces o IPREM e ponderados conforme o previsto neste ordinal sumaranse, para os efectos de verificar que os ingresos da unidade de convivencia no seu conxunto non superan o límite de ingresos exixidos para o acceso á vivenda de que se trate.
2. Para o acceso en compra dunha vivenda protexida deberá acreditarse que os ingresos da unidade de convivencia non son inferiores a 0,7 veces o IPREM. Para este cómputo non serán de aplicación os coeficientes correctores previstos para a ponderación de ingresos. Non obstante, na resolución de inicio do procedemento de selección das persoas adxudicatarias das vivendas protexidas poderán establecerse límites mínimos de ingresos para o acceso á compra en atención ás circunstancias específicas de financiamento da promoción.
Segundo. Fixar os seguintes prezos máximos de venda das VPP e dos seus anexos na primeira e posteriores adxudicacións, as deducións aplicables e os prezos máximos de venda de segundas e posteriores transmisións, que se aplicarán ás adxudicacións e transmisións que se formalicen a partir do día seguinte ao da publicación deste acordo no DOG:
1. Prezos máximos de venda das VPP e dos seus anexos nas primeiras e posteriores adxudicacións:
Os prezos máximos de venda das VPP e dos seus anexos serán os previstos para as VPA de réxime especial, en función da súa superficie útil e da área xeográfica onde estean situadas –zona 1 e zona 2–.
2. Deducións aplicables aos prezos máximos de venda das VPP e dos seus anexos nas primeiras e posteriores adxudicacións:
No suposto de que as persoas adxudicatarias das vivendas acrediten ingresos iguais ou inferiores a 4 veces o IPREM, ou 4,5 no caso de familias numerosas, sobre o prezo máximo de venda establecido no punto 1 aplicarase unha dedución do 30 %.
3. Prezos máximos de venda das VPP e dos seus anexos en segundas e posteriores transmisións:
a) Se a vivenda e os seus anexos se adquiriron polo prezo fixado no punto 1 deste ordinal, é dicir, sen aplicarlles deducións, o seu prezo máximo de venda por metro cadrado de superficie útil será o previsto nese punto 1, en función da súa localización.
b) Se a vivenda e os seus anexos se adquiriron coas deducións previstas no punto 2 deste ordinal, o prezo máximo de venda será o prezo final da adxudicación tras a aplicación das ditas deducións, é dicir, o prezo polo que se adquiriu a vivenda e, de ser o caso, os seus anexos.
c) Se a vivenda e os seus anexos se adquiriron con anterioridade ao 12 de marzo de 2026, o seu prezo máximo de venda será o previsto no Decreto 253/2007, do 13 de decembro, de réxime xurídico do solo e das edificacións promovidas polo IGVS, tomando como base o módulo vixente antes do 12 de marzo de 2026.
d) Se a vivenda e os seus anexos se adquiriron con posterioridade ao 12 de marzo de 2026 pero con anterioridade á data de efectos deste acordo, o prezo máximo de venda será o previsto na Resolución do 2 de marzo de 2026 pola que se fai público o Acordo do Consello da Xunta de Galicia, do 23 de febreiro de 2026, polo que se fixan os prezos máximos de venda e renda das vivendas protexidas de promoción pública, se determinan as zonas xeográficas para a fixación dos prezos das vivendas protexidas e se modifica o Acordo do Consello da Xunta de Galicia, do 10 de xuño de 2024, polo que se fixan os prezos máximos de venda e renda das vivendas protexidas de protección autonómica na primeira ou posteriores transmisións.
4. No suposto de que o IGVS adquira VPP ás entidades nas cales ten unha participación maioritaria, o prezo máximo de venda será o que resulte de aplicar ao establecido no punto 1 unha dedución do 30 %.
Terceiro. Fixar os seguintes prezos máximos anuais de renda das VPP e as deducións aplicables aos ditos prezos para os contratos de alugamento que se formalicen a partir do día seguinte ao da publicación deste acordo no DOG:
1. Prezos máximos anuais de renda das VPP:
O prezo máximo anual de renda será o resultante de aplicar o 2 % ao prezo máximo de venda fixado no punto 1 do ordinal segundo, segundo a zona en que se sitúe.
2. Deducións aplicables aos prezos máximos anuais de renda:
Cando as persoas arrendatarias das vivendas acrediten ingresos iguais ou inferiores a 2 veces o IPREM, aplicarase unha dedución do 50 % sobre o prezo máximo anual de renda. No suposto de que os ingresos acreditados sexan superiores a 2 veces o IPREM pero iguais ou inferiores a 2,5 veces o IPREM, a dedución aplicable será do 40 % e, no suposto de ingresos acreditados superiores a 2,5 veces o IPREM pero iguais ou inferiores a 3 veces o IPREM, a dedución será do 30 %.
Estas deducións manteranse nas sucesivas renovacións dos contratos de arrendamento, sempre que se sigan cumprindo os citados límites de ingresos.
Cuarto. Fixar os seguintes prezos máximos de venda das VPA na primeira ou posteriores transmisións.
1. Os prezos máximos de venda na primeira transmisión das VPA que se cualifiquen provisionalmente a partir do día seguinte ao da publicación deste acordo no DOG serán os seguintes:
a) Na primeira transmisión das VPA os prezos máximos determinaranse, segundo o seu réxime –especial, xeral ou concertado–, en función da súa superficie útil e da área xeográfica onde estean situadas –ámbito territorial de prezo máximo superior (en diante, PMS), zona 1 e zona 2–. Así:
1º. Réxime especial:
PMS: 1.970 euros por metro cadrado de superficie útil.
Zona 1: 1.850 euros por metro cadrado de superficie útil.
Zona 2: 1.700 euros por metro cadrado de superficie útil.
2º. Réxime xeral:
PMS: 2.120 euros por metro cadrado de superficie útil.
Zona 1: 2.050 euros por metro cadrado de superficie útil.
Zona 2: 1.850 euros por metro cadrado de superficie útil.
3º. Réxime concertado:
PMS: 2.300 euros por metro cadrado de superficie útil.
Zona 1: 2.250 euros por metro cadrado de superficie útil.
Zona 2: 2.080 euros por metro cadrado de superficie útil.
b) Cando a promoción inclúa garaxes ou rochos, con independencia de que estean ou non vinculados á vivenda, o prezo máximo de venda por metro cadrado de superficie útil destes, que figurará na cualificación provisional da vivenda, non poderá exceder o 60 % do prezo máximo de venda por metro cadrado de superficie útil da correspondente vivenda. Para tal efecto, só serán computables, como máximo, con independencia de que a súa superficie real sexa superior, 8 metros cadrados de superficie útil de rocho e 25 metros cadrados de superficie útil de garaxe ou calquera outro anexo.
c) O prezo máximo de venda das vivendas e anexos situados en PMS que se constrúan en solos desenvoltos coa intervención de entes ou sociedades públicas ou en solos que fosen de titularidade pública e se alleasen para a promoción de vivendas protexidas será o fixado para a zona 1, segundo o réxime das vivendas.
d) Nas promocións de vivendas para uso propio, o prezo máximo de adxudicación ou o valor da edificación, sumado ao do solo que figura na declaración de obra nova, no caso de promoción individual, terá os límites establecidos anteriormente e incluirá o conxunto dos pagamentos que efectúe a persoa promotora individual, a cooperativista ou comuneira, que sexan imputables ao custo da vivenda por seren necesarios para levar a cabo a promoción e a individualización física e xurídica desta, incluíndo, se é o caso, os honorarios da xestión.
2. Os prezos máximos de venda nas segundas e ulteriores transmisións das VPA que se formalicen a partir do día seguinte ao da publicación deste acordo no DOG serán os seguintes:
a) O prezo máximo de venda por metro cadrado de superficie útil en segundas e posteriores transmisións das vivendas cualificadas provisionalmente a partir do 11 de agosto de 2021 e dos seus anexos será o fixado na súa cualificación provisional.
b) O prezo máximo de venda das vivendas cualificadas inicialmente para arrendamento a 10 ou 25 anos ao abeiro dos reais decretos 801/2005, do 1 de xullo, polo que se aproba o Plan estatal 2005-2008, para favorecer o acceso dos cidadáns á vivenda, e 2066/2008, do 12 de decembro, polo que se regula o Plan estatal de vivenda e rehabilitación 2009-2012, no suposto de venda por parte das persoas promotoras é o establecido nos propios reais decretos.
As persoas adquirentes destas vivendas poderán allealas polo mesmo prezo polo que as adquiriron, unha vez acreditado o prezo de adquisición.
c) No resto de supostos, incluído os das vivendas cualificadas con anterioridade ao 11 de agosto de 2021 que non fosen transmitidas nunha primeira transmisión, o prezo será o seguinte:
1º. Vivendas:
Réxime especial:
PMS: 1.500 euros por metro cadrado de superficie útil.
Zona 1: 1.325 euros por metro cadrado de superficie útil.
Zona 2: 1.085 euros por metro cadrado de superficie útil.
Réxime xeral:
PMS: 1.585 euros por metro cadrado de superficie útil.
Zona 1: 1.450 euros por metro cadrado de superficie útil.
Zona 2: 1.200 euros por metro cadrado de superficie útil.
Réxime concertado:
PMS: 1.774 euros por metro cadrado de superficie útil.
Zona 1: 1.522 euros por metro cadrado de superficie útil.
Zona 2: 1.350 euros por metro cadrado de superficie útil.
2º. Anexos: o prezo máximo non poderá exceder o 60 % do prezo máximo de venda por metro cadrado de superficie útil da correspondente vivenda; polo tanto, quedan fixados nos seguintes importes, en función do réxime das vivendas:
Réxime especial:
PMS: 900 euros por metro cadrado de superficie útil.
Zona 1: 795 euros por metro cadrado de superficie útil.
Zona 2: 651 euros por metro cadrado de superficie útil.
Réxime xeral:
PMS: 951 euros por metro cadrado de superficie útil.
Zona 1: 870 euros por metro cadrado de superficie útil.
Zona 2: 720 euros por metro cadrado de superficie útil.
Réxime concertado:
PMS: 1.064,40 euros por metro cadrado de superficie útil.
Zona 1: 913,20 euros por metro cadrado de superficie útil.
Zona 2: 810 euros por metro cadrado de superficie útil.
Para os efectos da determinación do prezo dos anexos, só serán computables, como máximo, con independencia de que a súa superficie real sexa superior, 8 metros cadrados de superficie útil de rocho e 25 metros cadrados de superficie útil de garaxe ou calquera outro anexo.
d) Non obstante o previsto nas letras anteriores, o prezo máximo de venda en segundas e posteriores transmisións das vivendas e anexos situados en PMS construídas en solos desenvoltos coa intervención de entes ou sociedades públicas ou en solos que fosen de titularidade pública e se alleasen para a promoción de vivendas protexidas será o fixado para a zona 1, segundo o réxime das vivendas.
Quinto. Fixar os seguintes prezos máximos anuais de renda das VPA na primeira ou posteriores transmisións.
1. Os prezos máximos anuais de renda das VPA que se cualifiquen provisionalmente para o arrendamento a partir do día seguinte ao da publicación deste acordo no DOG serán os seguintes:
Réxime especial:
PMS: 61,68 euros por metro cadrado de superficie útil.
Zona 1: 54,51 euros por metro cadrado de superficie útil.
Zona 2: 45,24 euros por metro cadrado de superficie útil.
Réxime xeral:
PMS: 65,14 euros por metro cadrado de superficie útil.
Zona 1: 59,95 euros por metro cadrado de superficie útil.
Zona 2: 52,04 euros por metro cadrado de superficie útil.
Réxime concertado:
PMS: 72,92 euros por metro cadrado de superficie útil.
Zona 1: 62,54 euros por metro cadrado de superficie útil.
Zona 2: 55,50 euros por metro cadrado de superficie útil.
A renda anual por metro cadrado de anexos será a seguinte:
Réxime especial:
PMS: 36,96 euros por metro cadrado de superficie útil.
Zona 1: 32,63 euros por metro cadrado de superficie útil.
Zona 2: 27,07 euros por metro cadrado de superficie útil.
Réxime xeral:
PMS: 39,06 euros por metro cadrado de superficie útil.
Zona 1: 35,97 euros por metro cadrado de superficie útil.
Zona 2: 31,27 euros por metro cadrado de superficie útil.
Réxime concertado:
PMS: 43,75 euros por metro cadrado de superficie útil.
Zona 1: 37,57 euros por metro cadrado de superficie útil.
Zona 2: 33,25 euros por metro cadrado de superficie útil.
Para tal efecto, só serán computables, como máximo, con independencia de que a súa superficie real sexa superior, 8 metros cadrados de superficie útil de rocho e 25 metros cadrados de superficie útil de garaxe ou calquera outro anexo.
A dita renda máxima deberá figurar na cualificación provisional da vivenda e poderá actualizarse anualmente de conformidade co previsto na lexislación de arrendamentos urbanos. A persoa arrendadora poderá repercutir á persoa inquilina os gastos que permita a lexislación aplicable.
Non obstante, o prezo máximo de renda das vivendas e anexos situados en PMS construídas en solos desenvoltos coa intervención de entes ou sociedades públicas ou en solos que fosen de titularidade pública e se alleasen para a promoción de vivendas protexidas será o fixado para a zona 1, segundo o réxime das vivendas.
2. Os prezos máximos anuais de renda das vivendas de protección oficial de promoción privada e de protección autonómica aplicables aos contratos de arrendamento das vivendas de protección oficial de promoción privada e de VPA que se presenten no IGVS para o seu visado a partir do día seguinte ao da publicación deste acordo no DOG, serán os seguintes:
a) Os prezos máximos de renda nos contratos de arrendamento de VPA cualificadas para arrendamento e durante a vixencia do seu réxime será o fixado na súa cualificación. Este prezo máximo será actualizado anualmente de acordo co incremento que experimente o IPC, sen que en ningún caso poida superar o 3 % anual.
b) Para o resto dos contratos, é dicir, os das vivendas non cualificadas para o arrendamento, serán os mesmos prezos máximos de renda previstos no punto 1.
c) Para os efectos da determinación dos prezos máximos, as equivalencias entre as diferentes denominacións das vivendas nos distintos plans de vivenda son as seguintes:
1º. As vivendas de protección oficial e de protección autonómica de réxime especial e as vivendas de protección autonómica de prezo reducido equivalerán ás VPA de réxime especial.
2º. As vivendas de protección oficial de réxime xeral, así como as declaradas protexidas, de protección autonómica do Decreto 199/2002, do 6 de xuño, e as de protección autonómica de prezo xeral ao abeiro de plans anteriores de vivenda equivalerán ás VPA de réxime xeral.
3º. As vivendas de protección autonómica de prezo concertado equivalerán ás VPA de réxime concertado.
4º. As vivendas de protección oficial de promoción privada equivalerán ás VPA.