En cumprimento do disposto no artigo 28 do Regulamento para a execución da Lei 13/1989, do 10 de outubro, de montes veciñais en man común, aprobado polo Decreto 260/1992, do 4 de setembro, e de conformidade co disposto no artigo 45 da Lei 39/2015, do 1 de outubro, do procedemento administrativo común das administracións públicas, faise público que o Xurado Provincial de Clasificación de Montes Veciñais en Man Común de Ourense, na sesión que tivo lugar o 28 de abril de 2026, adoptou a seguinte resolución:

Examinado o expediente de clasificación como veciñal en man común do monte denominado Do Casar, no concello do Irixo, resultan os seguintes feitos:

Primeiro. O 11 de febreiro de 2025 tivo entrada no rexistro da Xefatura Territorial da Consellería do Medio Rural un escrito de Miguel Ángel Otero Rodríguez, dirixido ao Xurado Provincial de Clasificación de Montes Veciñais en Man Común, en que solicitaba a clasificación como veciñal en man común de varias parcelas denominadas Do Casar, no concello do Irixo.

Segundo. O 7 de xullo de 2025, o Xurado Provincial acorda iniciar o expediente de clasificación como veciñal en man común do referido monte, designando instrutor e realizando as comunicacións e publicacións a que fan referencia os artigos 20, 21 e 23 do Regulamento para a execución da Lei 13/1989, do 10 de outubro, de montes veciñais en man común, aprobado polo Decreto 260/1992, do 4 de setembro, abrindo un período dun mes para a práctica de alegacións.

Terceiro. Contra o acordo de inicio do procedemento presentaron escritos de alegacións Alberto Decabo Álvarez e Alicia López Reinoso. Solicitan os alegantes que se exclúan do dito acordo de inicio, por seren da titularidade deles, as parcelas con referencias catastrais 32036A02300241 e 32036A02300586, nun caso, e 32036A02300320 e 32036A02300447, noutro caso.

Non obstante, as catro parcelas alegadas non forman parte dos terreos incluídos no acordo de inicio, senón que se trata de lindeiros, polo que ambas as alegacións carecen de fundamento.

Cuarto. O monte obxecto de clasificación, de acordo coa documentación existente no expediente, descríbese así:

Nome do monte: Do Casar.

Superficie: 34,56 ha.

Pertenza: veciños/as do Casar.

Parroquia: Cangues (Santo Estevo).

Concello: O Irixo.

Descrición dos predios que constitúen o monte:

Predio único:

Os terreos incluídos neste predio constitúen un único couto redondo, segundo a definición que figura no artigo 8 da Lei 7/2012, do 28 de xuño, de montes de Galicia, ben que están atravesados polos camiños correspondentes ás parcelas coas RR.CC. 32036A02309001, 32036A02309006, 32036A02509003 e 32036A02509006.

Parcelas obxecto de clasificación	Parcelas estremeiras
Referencia catastral	Estremas	Referencia catastral
32036A02300003 32036A02300066 32036A02300117 32036A02300582 32036A02500007 (parte) 32036A02500325 (parte)	Norte	32036A02500010 32036A02500007 (resto) 32036A02509002 32036A02509003 32036A02500325 (resto) 32036A02500454 32036A02500453 32036A02500462 32036A02500451 32036A02500452 32036A02500449 32036A02500447 32036A02500446 32036A02500324 32036A02500322 32036A02500320
		32036A02500319 32036A02500317 32036A02500315 32036A02500332 32036A02500331 32036A02500330 32036A02500329 32036A02500328 32036A02500327 32036A02500326 32036A02500442 32036A02500441 32036A02500440 32036A02500439 32036A02500438 32036A02500437 32036A02500436 32036A02500435 32036A02500434 32036A02500433 32036A02500430 32036A02500429 32036A02500427 32036A02500425 32036A02500422 32036A02500420 32036A02500419 32036A02500412 32036A02500411 32036A02500410 32036A02500409
	Leste	32036A02500325 (resto) 32036A02309001 32036A02300004 32036A02300005 32036A02300543 32036A02300039 32036A02309006 32036A02300096 32036A02300063 32036A02300064 32036A02300065 32036A02300067
	Sur	32036A02300068 32036A02300069 32036A02300070 32036A02300071 32036A02300072 32036A02300073 32036A02300074 32036A02300088 32036A02300092 32036A02300093 32036A02300094 32036A02300100 32036A02300114 32036A02300115 32036A02300116 32036A02300586 32036A02300585 32036A02300584 32036A02309006 32036A02300594 32036A02300038 32036A02300595 32036A02300583 32036A02300583 (T.M. do Carballiño) 32036A02200718 (T.M. do Carballiño) 32036A02200733 (T.M. do Carballiño) 32036A02200734 (T.M. do Carballiño) 32036A02200844 (T.M. do Carballiño) 32036A02200851 (T.M. do Carballiño) 32036A02300577 (T.M. do Carballiño) 32036A02300574 (T.M. do Carballiño) 32036A02300573 (T.M. do Carballiño) 32036A02300572 32036A02300570 32036A02300569 32036A02300568 32036A02300562 32036A02300561 32036A02309006 32036A02309010
	Oeste	32036A02309010 32036A02309001 32036A02309008 32036A02300118 32036A02300240 32036A02300241 32036A02300242 32036A02300245 32036A02300246 32036A02300481 32036A02300259 32036A02300261 32036A02300659 32036A02309006 32036A02309001 32036A02500007 (resto) (T.M. do Carballiño) 32020A02201108 (T.M. do Carballiño) 32036A02500459 32036A02500458 32036A02500002 32036A02500003 32036A02500004 32036A02500005 32036A02500006 32036A02500008

Fundamentos de dereito:

Primeiro. O Xurado Provincial de Clasificación de Montes Veciñais en Man Común é o órgano competente para coñecer os expedientes de clasificación dos montes que teñan tal carácter, de acordo co establecido no artigo 9 da Lei 13/1989, do 10 de outubro, de montes veciñais en man común.

Segundo. De conformidade co disposto no artigo 1 da devandita lei: «son montes veciñais en man común... os que, con independencia da súa orixe, as súas posibilidades produtivas, o seu aproveitamento actual e a súa vocación agraria, pertenzan a agrupacións veciñais na súa calidade de grupos sociais e non como entidades administrativas, e os veñan aproveitando consuetudinariamente en réxime de comunidade, sen asignación de cotas, os membros daquelas na súa condición de veciños».

Terceiro. É reiterada doutrina da Sala do Contencioso-Administrativo do Tribunal Supremo que son dúas as notas características dos montes veciñais en man común: unha, o aproveitamento consuetudinario en man común, e outra, a atribución da titularidade dese aproveitamento aos veciños integrantes dun grupo social determinado, independentemente da súa cualificación ou non como entidade administrativa, correspondendo constatar o aproveitamento e atribuír a titularidade a favor do grupo social que o veña gozando ao Xurado Provincial de Clasificación de Montes Veciñais en Man Común de Ourense.

Cuarto. O carácter de monte veciñal en man común tense acreditado mediante as testemuñas dos veciños solicitantes, as actuacións realizadas polo Servizo de Montes e a documentación que consta no expediente.

En consecuencia co que antecede, examinada a Lei 13/1989, do 10 de outubro, de montes veciñais en man común, o seu regulamento, aprobado polo Decreto 260/1992, do 4 de setembro, o Decreto 223/2022, do 22 de decembro, que establece a estrutura orgánica da Consellería do Medio Rural, e demais normativa legal e regulamentaria, o Xurado Provincial, por unanimidade dos seus membros,

RESOLVE:

Clasificar como monte veciñal en man común o monte denominado Do Casar, no concello do Irixo, de acordo coa descrición realizada no feito cuarto.

Contra esta resolución, que pon fin á vía administrativa, poderase interpoñer recurso potestativo de reposición perante o Xurado Provincial de Clasificación de Montes Veciñais en Man Común de Ourense no prazo dun mes, ou ben directamente recurso contencioso-administrativo perante o Xulgado do Contencioso-Administrativo de Ourense, no prazo de dous meses contados desde o día seguinte ao desta notificación, de acordo co disposto no artigo 12 da citada Lei 13/1989, nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.

Ourense, 11 de maio de 2026

José Antonio Armada Pérez
Presidente do Xurado Provincial de Clasificación de
Montes Veciñais en Man Común de Ourense