1. Mediante a Resolución da Axencia Galega de Innovación, do 10 de outubro de 2025 (Diario Oficial de Galicia número 202, do 20 de outubro), adxudicáronse as axudas para a consolidación e estruturación de unidades de investigación competitivas nos centros tecnolóxicos consolidados de Galicia, convocadas pola Resolución da Axencia Galega de Innovación, do 2 de maio de 2025 (Diario Oficial de Galicia número 91, do 14 de maio).
2. Con data 19 de novembro de 2025, ITG comunica á Axencia Galega de Innovación a fusión por absorción de Energylab, extinguíndose esta última como entidade xurídica. Dita fusión por absorción ten efectos xurídicos desde o 14 de novembro de 2025.
3. Segundo o disposto no artigo 16 da convocatoria, toda alteración das condicións tidas en conta para a concesión da subvención poderá dar lugar á modificación da resolución de concesión. A modificación derivada da absorción de Energylab por parte de ITG cumpre cos requisitos recollidos en dito artigo de manter a actividade dentro da finalidade das bases reguladoras, non producir prexuízo a terceiros e que os novos elementos e circunstancias que motivan a modificación, de teren concorrido na concesión inicial, non supoñen a denegación da subvención. Así mesmo, Energylab xustificou correctamente a axuda do ano 2025. Deste modo, a Axencia Galega de Innovación
RESOLVE:
1. Modificar a Resolución de concesión do 10 de outubro de 2025 no relativo á anualidade 2026 para recoller a dita fusión nos termos seguintes:
Suprímese a axuda de 2026 de Energylab (NIF G27719913) e increméntase na cantidade correspondente a axuda de ITG, e os importes quedan tal e como se indican.
|
Núm. expediente administrativo |
Entidade beneficiaria |
NIF |
Acrónimo |
Importe axuda 2025 |
Importe axuda 2026 |
Total axuda (€) |
|
IN845A-4 |
Fundación Centro Tecnolóxico de Eficiencia e Sostibilidade Enerxética |
G27719913 |
Energylab |
196.047,23 € |
- |
196.047,23 € |
|
IN845A-6 |
Fundación Instituto Tecnolóxico de Galicia |
G15305923 |
ITG |
347.920,07 € |
543.967,30 € |
891.887,37 € |
2. Contra esta resolución, sen prexuízo de que os interesados poidan exercer calquera outro que consideren procedente, poderán interpoñer recurso de alzada no prazo dun mes desde o día seguinte ao da publicación desta resolución no Diario Oficial de Galicia, perante o presidente da Axencia Galega de Innovación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Disposición derradeira
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 26 de maio de 2026
Carmen Cotelo Queijo
Directora da Axencia Galega de Innovación