No Diario Oficial de Galicia núm. 9, do 15 de xaneiro de 2026, publícase a Orde do 3 de decembro de 2025 pola que se establecen as bases reguladoras que rexerán as axudas destinadas ao financiamento de actuacións en materia de arquivos e se procede á súa convocatoria para o ano 2026 (código de procedemento CT130A).

Esta orde ten por obxecto o establecemento das bases reguladoras das axudas destinadas á mellora dos arquivos de Galicia, garantindo unha custodia responsable e o acceso dos cidadáns aos documentos e, por outra, a convocatoria das axudas para o ano 2026.

O procedemento de concesión das subvencións será en réxime de concorrencia competitiva e conforme os principios de publicidade, transparencia, igualdade e non discriminación.

De conformidade coa disposición derradeira primeira, apróbase a delegación de atribucións da persoa titular da Consellería de Cultura, Lingua e Xuventude na persoa titular da Dirección Xeral de Cultura para resolver a concesión, denegación, modificación ou outras incidencias das axudas previstas nesta orde.

Tal e como establece o artigo 12 da Orde o prazo máximo para ditar e notificar aos interesados a resolución expresa non poderá superar os cinco meses, segundo establece o artigo 23.4 da Lei 9/2007, do 13 de xuño, de subvencións de Galicia. O prazo computarase a partir do día seguinte ao da publicación desta convocatoria no Diario Oficial de Galicia. Ademais, en aplicación do artigo 13.6 da orde de convocatoria, a resolución de adxudicación será notificada mediante a súa publicación no Diario Oficial de Galicia. Esta publicación substituirá a notificación persoal e producirá os mesmos efectos.

Así mesmo, e en aplicación do artigo 12.6, serán igualmente obxecto de publicidade a través da páxina web da Consellería de Cultura, Lingua e Xuventude, https://www.cultura.gal/gl/servizos e a través da páxina web do Portal de arquivos de Galicia, https://arquivosdegalicia.xunta.gal

Unha vez instruído o procedemento e logo da proposta de resolución, con data do 18 de maio de 2026, o órgano competente emite a resolución das subvencións convocadas.

Por todo o exposto,

RESOLVO:

Primeiro. Ordenar a publicación no Diario Oficial de Galicia do contido íntegro da Resolución do 18 de maio de 2026, de concesión de subvencións destinadas á colaboración no financiamento de actuacións en materia de arquivos da Comunidade Autónoma de Galicia, e se procede á súa convocatoria para o ano 2026 (código de procedemento CT130A), que se xunta como anexo.

Segundo. Comunicar que a Resolución do 18 de maio de 2026, que finaliza este procedemento, esgota a vía administrativa e contra ela poderase interpor potestativamente recurso de reposición ante o mesmo órgano que a ditou, no prazo dun mes, que se contará a partir do día seguinte ao da súa publicación no Diario Oficial de Galicia.

Esta resolución tamén poderá ser impugnada directamente ante o Tribunal Superior de Xustiza de Galicia no prazo de dous meses contados a partir do día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

Terceiro. Comunicar que as entidades adxudicatarias propostas como beneficiarias disporán dun prazo de dez días para a súa aceptación, transcorrido o cal sen que se produza manifestación expresa, entenderase tacitamente aceptada, agás que no mesmo prazo se comunique de xeito formal e expreso a renuncia á subvención concedida, debidamente asinada polo representante da entidade beneficiaria.

Cuarto. Comunicar que a resolución de adxudicación será notificada mediante esta publicación no Diario Oficial de Galicia. Esta publicación substituirá a notificación persoal e producirá os mesmos efectos.

Santiago de Compostela, 22 de maio de 2026

Anxo M. Lorenzo Suárez
Director xeral de Cultura

ANEXO

Resolución do 18 de maio de 2026 de concesión de axudas convocadas
mediante a Orde do 3 de decembro de 2025 pola que se establecen as bases
reguladoras que rexerán as axudas destinadas ao financiamento de actuacións
en materia de arquivos e se procede á súa convocatoria para o ano 2026
(código de procedemento CT130A)

Feitos:

1. O 15 de xaneiro de 2026 publícase no DOG a Orde do 3 de decembro de 2025 pola que se establecen as bases reguladoras que rexerán as axudas destinadas ao financiamento de actuacións en materia de arquivos e se procede á súa convocatoria para o ano 2026. Esta orde ten por obxecto o establecemento das bases reguladoras das axudas destinadas á colaboración no financiamento de actuacións en materia de arquivos e, por outra, a convocatoria das axudas para o ano 2026.

A finalidade da axuda é a realización de actividades que teñan por obxecto a descrición de series documentais dos arquivos galegos segundo a metodoloxía arquivística.

2. Rematado o prazo de presentación de solicitudes, recibíronse un total de 45 solicitudes: 38 de entidades locais e 7 de entidades sen fin de lucro.

Unha vez examinada a documentación e formulados os requirimentos necesarios, a Comisión Técnica de Avaliación evalúa as solicitudes nas xuntanzas do 31 de marzo e 22 de abril de 2026.

3. O 7 de maio de 2026, a Comisión Técnica emite informe de avaliación segundo o regulado no artigo 11.3 da orde de convocatoria, elaborándose as listaxes definitivas de entidades excluídas e admitidas coa puntuación acadada por estas, tendo en conta o límite de crédito establecido na orde.

Fundamentos xurídicos:

1. As bases xurídicas deste procedemento están reguladas pola Orde do 3 de decembro de 2025 pola que se establecen as bases reguladoras que rexerán as axudas destinadas á colaboración no financiamento de actuacións en materia de arquivos para a convocatoria do ano 2026 (código de procedemento CT130A).

2. Para o financiamento destas subvencións existe crédito adecuado e suficiente na Lei de orzamentos xerais da Comunidade Autónoma para o ano 2026, cunha contía total de cento oitenta e cinco mil euros (185.000,00 €), que se imputarán aos orzamentos xerais da Comunidade Autónoma de Galicia para o ano 2026 nas aplicacións orzamentarias 13.03.432A.760.0 (150.000,00 €) e 13.03.432A.781.0 (35.000,00 €).

3. O proxecto obxecto de subvención será cofinanciado entre a entidade solicitante e a Consellería de Cultura, Lingua e Xuventude. A axuda máxima por beneficiario que concederá a consellería será de 7.000,00 € por proxecto, que en ningún caso poderá exceder o 80 % do orzamento total do proxecto que se vaia realizar.

4. O procedemento para a concesión das subvencións tramitarase en réxime de concorrencia competitiva, tal e como establece o artigo 10 da orde reguladora, aplicando os criterios de valoración recollidos no artigo 9.

5. Correspóndelle á subdirección xeral competente en materia de arquivos, como unidade instrutora, formular a proposta de resolución motivada das solicitudes, por orde decrecente de puntuación, logo do informe de avaliación emitido pola Comisión Técnica, tal e como establece o artigo 11.4 da orde reguladora.

Con base en todo o anterior e á vista do informe de avaliación da Comisión Técnica de Avaliación,

PROPOÑO:

Primeiro. Conceder as subvencións ás entidades que se relacionan no anexo I e que se divide en dúas epígrafes:

a) Entidades locais que acadan a puntuación necesaria para obter axuda, ordenadas por orde decrecente de puntuación, unha vez aplicados os criterios de valoración e desempate recollidos no artigo 9 da Orde do 3 de decembro de 2025.

b) Entidades privadas sen fin de lucro que acadan a puntuación necesaria para obter axuda, ordenadas por orde decrecente de puntuación, unha vez aplicados os criterios de valoración e desempate recollidos no artigo 9 da Orde do 3 de decembro de 2025.

Segundo. Aprobar a listaxe de entidades que non resultaron adxudicatarias tendo en conta o límite de crédito establecido na orde, entidades que se relacionan no anexo II e que se divide en dúas epígrafes:

a) Entidades locais que non resultaron adxudicatarias, tendo en conta o límite de crédito establecido na orde, ordenadas por orde decrecente de puntuación, unha vez aplicados os criterios de valoración e desempate recollidos no artigo 9 da Orde do 3 de decembro de 2025.

b) Entidades privadas sen fin de lucro que non resultaron adxudicatarias, tendo en conta límite de crédito establecido na orde, ordenadas por orde decrecente de puntuación, unha vez aplicados os criterios de valoración e desempate recollidos no artigo 9 da Orde do 3 de decembro de 2025.

Terceiro. Aprobar a listaxe de solicitudes excluídas e as causas de exclusión, incluíndo as solicitudes que non se axustan ao obxecto, finalidade e requisitos recollidos nos artigos 1 e 4 da orde, que figuran no anexo III.

Santiago de Compostela, 13 de maio de 2026. Mª del Carmen Calviño Rodríguez, subdirectora xeral de Arquivos e Centros Museísticos.

Logo da proposta da subdirectora xeral de Arquivos e Centros Museísticos e da fiscalización do gasto pola Intervención delegada,

RESOLVO:

A concesión das axudas previstas na Orde do 3 de decembro de 2025 pola que se establecen as bases reguladoras que rexerán as axudas destinadas ao financiamento de actuacións en materia de arquivos e se procede á súa convocatoria para o ano 2026 nos termos expostos con anterioridade.

Santiago de Compostela, 18 de maio de 2026. O conselleiro de Cultura, Lingua e Xuventude, P.D. (Disposición derradeira primeira da Orde do 3.12.2025; DOG núm. 9, do 15 de xaneiro de 2026), Anxo M. Lorenzo Suárez, director xeral de Cultura.

ANEXO I

a) Listaxe das entidades locais adxudicatarias, ordenadas por orde decrecente de puntuación, unha vez aplicados os criterios de valoración e desempate recollidos no artigo 9 da Orde do 3 de decembro de 2025.

Orde	Nº de expediente	Solicitante	CIF	Puntos	Axuda concedida
1	2026-006	Concello de Baralla	P2703600C	7,75	7.000,00 €
2	2026-030	Concello das Somozas	P1508200A	7,50	6.529,60 €
3	2026-041	Concello de Petín	P3206100D	7,50	5.517,60 €
4	2026-00	Concello de Calvos de Randín	P3201700F	7,25	7.000,00 €
5	2026-007	Concello de Vilar de Barrio	P3209000C	7,00	6.969,60 €
6	2026-008	Concello de Bande	P3200700G	7,00	7.000,00 €
7	2026-024	Concello de Quiroga	P2705000D	7,00	6.776,00 €
8	2026-032	Concello de Fisterra	P1503800C	6,65	5.118,30 €
9	2026-017	Concello de Tomiño	P3605400E	6,63	7.000,00 €
10	2026-019	Concello de Valga	P3605600J	6,50	6.776,00 €
11	2026-022	Concello do Irixo	P3203600F	6,50	6.760,00 €
12	2026-037	Concello de Portas	P3604000D	6,50	6.776,00 €
13	2026-035	Concello da Pobra do Caramiñal	P1506800J	6,00	7.000,00 €
14	2026-002	Concello de Rairiz de Veiga	P3206800I	6,00	7.000,00 €
15	2026-021	Concello das Pontes de García Rodríguez	P1507100D	5,65	5.544,82 €
16	2026-042	Concello de Caldas de Reis	P3600500G	5,57	6.253,96 €
17	2026-036	Concello de Carral	P1502100I	5,50	6.776,00 €
18	2026-040	Concello de Gondomar	P3602100D	5,50	3.380,26 €
19	2026-043	Concello de Vilanova de Arousa	P3606100J	5,50	6.776,00 €
20	2026-013	Concello de Val do Dubra	P1508900F	5,33	7.000,00 €
21	2026-028	Concello de Zas	P1509400F	5,15	3.412,20 €
22	2026-029	Concello de Irixoa	P1504000I	5,00	6.400,00 €
23	2026-038	Concello da Baña	P1500700H	5,00	6.776,00 €
24	2026-023	Concello de Noia	P1505800A	4,80	4.457,66 €

b) Listaxe das entidades privadas sen fin de lucro adxudicatarias, ordenadas por orde decrecente de puntuación, unha vez aplicados os criterios de valoración e desempate recollidos no artigo 9 da Orde do 3 de decembro de 2025.

Orde	Nº de expediente	Solicitante	CIF	Puntos	Axuda concedida
1	2026-045	Arcebispado de Santiago de Compostela	R1500020A	6,00	7.000,00 €
2	2026-015	Asociación Cultural Fundación Penzol	G36623171	4,30	2.700,00 €
3	2026-012	Fundación 10 de Marzo	G15338080	3,95	7.000,00 €
4	2026-005	Fundación Isla Couto	G36680437	3,91	5.400,00 €
5	2026-046	Asociación Veciñal, Cultural e Etnográfica San Cibrán	G94020856	3,50	6.959,99 €
6	2026-027	Fundación Luis Tilve	G15169949	3,00	5.940,01 €

ANEXO II

a) Listaxe das entidades locais non adxudicatarias, tendo en conta o límite de crédito establecido na orde, ordenadas por orde decrecente de puntuación, unha vez aplicados os criterios de valoración e desempate recollidos no artigo 9 da Orde do 3 de decembro de 2025.

Orde	Nº de expediente	Solicitante	CIF	Puntos
1	2026-014	Concello de Castroverde	P2701100F	4,76
2	2026-016	Concello de Abegondo	P1500100A	4,76
3	2026-018	Concello de Ribeira	P1507400H	4,62
4	2026-031	Concello de Padrón	P1506600D	4,62
5	2026-010	Concello de Negreira	P1505700C	4,50
6	2026-020	Concello de Camariñas	P1501600I	4,50
7	2026-033	Concello de Pontecesures	P3604400F	4,50
8	2026-044	Concello de Celanova	P3202500I	4,50
9	2026-009	Concello de Viveiro	P2706700H	4,37
10	2026-039	Concello de Chantada	P2701600E	4,09
11	2026-011	Concello de Cambados	P3600600E	3,00
12	2026-026	Concello de Rianxo	P1507300J	2,82

b) Listaxe das entidades privadas sen fin de lucro non adxudicatarias, tendo en conta o límite de crédito establecido na orde, ordenadas por orde decrecente de puntuación, unha vez aplicados os criterios de valoración e desempate recollidos no artigo 9 da Orde do 3 de decembro de 2025.

Orde	Nº de expediente	Solicitante	CIF	Puntos
1	2026-034	Fundación Vicente Risco	G32214850	2,50

ANEXO III

Listaxe de solicitudes excluídas e as causas de exclusión, incluíndo as solicitudes que non se axustan ao obxecto, finalidade e requisitos recollidos nos artigos 1 e 4 da Orde do 3 de decembro de 2025.

Nº de expediente	Solicitante	CIF	Causa de exclusión
2026-001	Concello de Ponteareas	P3604200J	(1) e (2)
2026-025	Concello de Ourense	P3205500F	(3)

(¹) Artigo 7.1 «Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas administracións públicas, agás que a persoa interesada se opoña á súa consulta». Non consta acreditación de estar ao día no pagamento de obrigas tributarias coa Axencia Estatal de Administración Tributaria (AEAT).

(²) Artigo 4.4 «No caso dos entes locais, segundo o artigo 4 do Decreto 193/2011, do 6 de outubro, polo que se regulan especialidades nas subvencións ás entidades locais galegas, será requisito para a concesión de subvencións que cumprisen o deber de remisión ao Consello de Contas das contas xerais de cada exercicio». Non consta esta remisión.

(³) Artigo 1.2 «A finalidade da axuda é a realización de actividades que teñan por obxecto a descrición de series documentais dos arquivos galegos segundo a metodoloxía arquivística». Presenta proxecto para dixitalización de fondos documentais.