Primeiro. O día 18.2.2026 publicouse no DOG núm. 32 a Orde do 29 de decembro de 2025 pola que se establecen as bases reguladoras do Programa de axudas para implantar a igualdade laboral, a conciliación e a responsabilidade social empresarial (RSE), e se procede á súa publicación para o ano 2026 (códigos de procedemento TR357B, TR357C e TR357D).
Segundo. O artigo 4.2 da dita orde recolle que no caso da liña II, subliña 1, a concesión dos incentivos realizarase con cargo á aplicación 14.02.324A.474.0, con código de proxecto 2016 00299, por un importe total de 150.000,00 €.
Ese mesmo artigo, no seu punto 6, establece que, se unha vez atendidas as solicitudes presentadas na liña I, nas subliñas 1 e 2 da liña II ou na liña III, queda remanente nalgunha delas, poderase incrementar o crédito dunha destas liñas ou subliñas co crédito sobrante da outra, coa prioridade seguinte: en primeiro lugar atenderase a liña I, en segundo lugar a liña II e en terceiro lugar a liña III. Terán preferencia as subliñas dentro dunha mesma liña.
De acordo co disposto no artigo 31 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, cando a contía total máxima das subvencións convocadas se distribúa entre distintos créditos orzamentarios, a alteración da dita distribución non precisará de nova convocatoria pero si das modificacións que procedan no expediente de gasto e da publicación nos mesmos medios que a convocatoria.
Unha vez rematado o prazo de solicitudes e instruídos os expedientes de acordo coas bases reguladoras, o orzamento inicial designado para a subliña 1 da liña II non é suficiente para atender todas as solicitudes.
Terceiro. A disposición derradeira primeira da Orde do 29 de decembro de 2025 faculta a persoa titular da Secretaría Xeral de Emprego e Relacións Laborais para pronunciar, no ámbito das súas competencias, as resolucións e as instrucións necesarias para o desenvolvemento e cumprimento desta disposición.
Por todo o anterior, dado que nas aplicacións orzamentarias desta orde existe suficiente crédito dispoñible, e coa finalidade de incrementar a eficacia administrativa e a eficiencia na asignación de recursos públicos,
RESOLVO:
Redistribuír os fondos destinados ás axudas da subliña 1 da liña II na Orde do 29 de decembro de 2025 pola que se establecen as bases reguladoras do Programa de axudas para implantar a igualdade laboral, a conciliación e a responsabilidade social empresarial (RSE), e se procede á súa publicación para o ano 2026 (códigos de procedemento TR357B, TR357C e TR357D), do seguinte xeito:
|
Aplicación orzamentaria |
Código do proxecto |
Liña |
Orzamento inicial |
Remanente |
Orzamento final |
|
14.02.324A.474.1 |
2019 00023 |
Liña I |
200.000,00 € |
-135.000,00 € |
65.000,00 € |
|
14.02.324A.474.0 |
2016 00299 |
Liña II.1 |
150.000,00 € |
+260.000,00 € |
410.000,00 € |
|
14.02.324A.474.0 |
2016 00299 |
Liña II.2 |
250.000,00 € |
-105.000,00 € |
145.000,00 € |
|
14.02.324A.474.1 |
2019 00023 |
Liña II.2 |
500.000,00 € |
500.000,00 € |
|
|
14.02.324A.474.1 |
2019 00023 |
Liña III |
100.000.00 € |
-20.000,00 € |
80.000,00 € |
|
Total |
1.200.000,00 € |
+0,00 € |
1.200.000,00 € |
Santiago de Compostela, 1 de xuño de 2026
Pablo Fernández López
Secretario xeral de Emprego e Relacións Laborais