Con data do 9 de febreiro de 2026 publícase no Diario Oficial de Galicia número 26 a Orde do 22 de decembro de 2025 pola que se establecen as bases reguladoras das axudas destinadas a financiar actividades de promoción da igualdade e de prevención da violencia de xénero, financiadas en desenvolvemento do Pacto de Estado contra a violencia de xénero, para as asociacións de nais e pais do alumnado de centros educativos de Galicia, e se procede á súa convocatoria para o ano 2026 (código de procedemento SI449B). Ao abeiro da dita convocatoria establécese a seguinte liña de actuación:
Actividades de promoción da igualdade entre mulleres e homes e de prevención e rexeitamento da violencia contra as mulleres, dirixidas ao alumnado de centros educativos non universitarios, ás familias, ás ANPA e á comunidade educativa, en desenvolvemento do Pacto de Estado contra a violencia de xénero (código de procedemento SI449B).
Para o financiamento das axudas previstas nesta convocatoria destínase crédito por un importe total de catrocentos mil euros (400.000,00 €), con cargo á aplicación 08.07.313D.481.2, código de proxecto 2025 00050, dos orzamentos xerais da Comunidade Autónoma de Galicia para o ano 2026.
As solicitudes de axuda diríxense, xunto coa documentación necesaria, ao departamento territorial da Consellería de Política Social e Igualdade competente en función da provincia na cal a asociación teña establecida a súa sede social. A instrución do procedemento correspóndelles ás unidades de Igualdade dos departamentos territoriais da Consellería de Política Social e Igualdade.
A unidade administrativa tramitadora e encargada da instrución do procedemento do Departamento Territorial da Coruña da Consellería de Política Social e Igualdade, ao abeiro da antedita orde, revisou as solicitudes presentadas segundo a sede social das asociacións solicitantes. Así mesmo, a Unidade de Igualdade do dito departamento territorial revisou as emendas feitas, e unha vez que se comprobou que as solicitudes cumprían cos requisitos establecidos e coa documentación necesaria remitíronse á Comisión de Valoración, órgano creado no artigo 13.2 da orde.
O órgano instrutor formulou a proposta de resolución tras a baremación, e á vista do informe da Comisión de Valoración, e segundo establece o artigo 15.1 da referida orde, elevou a citada proposta á persoa titular do departamento territorial da Consellería de Política Social e Igualdade, que resolve con data do 28 de maio de 2026 por delegación da persoa titular da Consellería de Política Social e Igualdade.
Segundo o artigo 15.3 da orde, por tratarse dun procedemento de concorrencia competitiva, e de conformidade co previsto no artigo 45 da Lei 39/2015, do 1 de outubro, as resolucións destas subvencións serán obxecto de publicación no Diario Oficial de Galicia, a cal producirá os mesmos efectos da notificación.
Polo exposto,
RESOLVO:
Primeiro. Ordenar a publicación no Diario Oficial de Galicia do contido íntegro da Resolución do 28 de maio de 2026 do Departamento Territorial da Coruña, ditada no procedemento SI449B no seu ámbito provincial ao abeiro da Orde do 22 de decembro de 2025 pola que se establecen as bases reguladoras das axudas destinadas a financiar actividades de promoción da igualdade e de prevención da violencia de xénero, financiadas en desenvolvemento do Pacto de Estado contra a violencia de xénero, para as asociacións de nais e pais do alumnado de centros educativos de Galicia, e se procede á súa convocatoria para o ano 2026 (código de procedemento SI449B), resolución que se xunta a esta como anexo.
Segundo. Comunicar que a Resolución do 28 de maio de 2026 do Departamento Territorial da Coruña pon fin á vía administrativa e que contra ela se poderá interpoñer recurso potestativo de reposición, ante o mesmo órgano que ditou a resolución, no prazo dun mes contado a partir do día seguinte ao da súa publicación no Diario Oficial de Galicia, ou directamente recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa publicación no Diario Oficial de Galicia.
De se presentar recurso de reposición, non se poderá interpoñer o recurso contencioso-administrativo ata que aquel sexa resolto expresamente ou se produza o seu desacollemento presunto.
A Coruña, 5 de xuño de 2026
María Blanco Aller
Directora territorial da Coruña
ANEXO
Resolución do 28 de maio de 2026, do Departamento Territorial da Coruña, que pon fin ao procedemento de concesión das subvencións na provincia da Coruña convocadas mediante a Orde do 22 de decembro de 2025 pola que se establecen as bases reguladoras das axudas destinadas a financiar actividades de promoción da igualdade e de prevención da violencia de xénero, financiadas en desenvolvemento do Pacto de Estado contra a violencia de xénero, para as asociacións de nais e pais do alumnado de centros educativos de Galicia, e se procede á súa convocatoria para o ano 2026 (código de procedemento SI449B).
Antecedentes:
Primeiro. Con data do 9 de febreiro de 2026 publícase no Diario Oficial de Galicia a Orde do 22 de decembro de 2025 pola que se establecen as bases reguladoras das axudas destinadas a financiar actividades de promoción da igualdade e de prevención da violencia de xénero, financiadas en desenvolvemento do Pacto de Estado contra a violencia de xénero, para as asociacións de nais e pais do alumnado de centros educativos de Galicia, e se procede á súa convocatoria para o ano 2026 (código de procedemento SI449B).
Segundo. Esta orde ten por obxecto aprobar as bases reguladoras e realizar a convocatoria para o ano 2026 das subvencións destinadas ás asociacións de nais e pais de alumnado (en diante, ANPA) legalmente constituídas, así como ás federacións ou confederacións de ANPA, dos centros educativos sustentados con fondos públicos da Comunidade Autónoma de Galicia, para a realización de actividades de promoción da igualdade entre mulleres e homes e de prevención e rexeitamento da violencia contra as mulleres, dirixidas ao alumnado de centros educativos non universitarios, ás familias, ás ANPA e á comunidade educativa, en desenvolvemento do Pacto de Estado contra a violencia de xénero.
Terceiro. De acordo co establecido no artigo 1.4 das bases reguladoras, o procedemento para a concesión das subvencións recollidas na dita orde tramitarase en réxime de concorrencia competitiva, de acordo co sinalado no artigo 19.1 da Lei 9/2007, do 13 de xuño, de subvencións de Galicia.
Cuarto. De acordo co establecido no artigo 13.4 das bases reguladoras, avaliadas as solicitudes no ámbito provincial da Coruña seguindo os criterios establecidos no artigo 14, a Comisión de Valoración emitiu un informe segundo o cal a Unidade de Igualdade do Departamento Territorial da Coruña, órgano instrutor, formulou a proposta de resolución ao órgano competente para resolver, na que se inclúe a proposta de concesión de subvencións segundo a orde de puntuación obtida polas solicitudes e polo importe da axuda correspondente, ata esgotar o crédito dispoñible. Así mesmo, propón os expedientes que, por culpa de se esgotar o crédito dispoñible, han quedar en lista de espera para seren atendidos no caso de se producir algunha renuncia ou un incremento do crédito inicialmente dispoñible, así como os expedientes aos que se lles denegan estas axudas por desistencia expresa, por non cumpriren os requisitos establecidos na convocatoria ou por non achegaren a documentación requirida no prazo establecido, segundo o previsto no artigo 68.2 da Lei 39/2015, do 1 de outubro.
Quinto. De acordo co establecido no artigo 15.1 da orde, logo da proposta de resolución á persoa titular do Departamento Territorial da Coruña da Consellería de Política Social e Igualdade, esta resolverá por delegación da persoa titular da Consellería de Política Social e Igualdade.
Sexto. Segundo o artigo 15.3 das bases reguladoras, por tratarse dun procedemento de concorrencia competitiva, e de conformidade co previsto no artigo 45 da Lei 39/2015, do 1 de outubro, a resolución destas subvencións será obxecto de publicación no Diario Oficial de Galicia, a cal producirá os mesmos efectos da notificación. Nesta publicación especificaranse a data da convocatoria, a entidade beneficiaria, a cantidade concedida e a finalidade da subvención outorgada, así como as solicitudes desacollidas, con expresión sucinta dos motivos do desacollemento.
Por todo o anterior, tras o informe de baremación e a proposta emitida pola Unidade de Igualdade do Departamento Territorial da Coruña como órgano instrutor, unha vez fiscalizado o gasto de conformidade coa Intervención Delegada, a directora do dito Departamento Territorial da Coruña da Consellería de Política Social e Igualdade, en virtude da competencia delegada na disposición adicional única da repetida Orde do 22 de decembro de 2025 para resolver os procedementos de concesión,
RESOLVE:
Primeiro. Conceder as subvencións para o financiamento do programa SI449B ás asociacións de nais e pais (ANPA) solicitantes con sede social na provincia da Coruña que se relacionan no anexo I, como consecuencia da aplicación dos criterios e pautas de valoración establecidos no artigo 14 das bases reguladoras e para o desenvolvemento das actuacións que figuran no dito anexo.
Segundo. Incluír na lista de espera, segundo a orde de puntuación, as solicitudes que se indican no anexo II, que de ser o caso poderán ser atendidas a través do crédito que quede sen comprometer por mor de se producir algunha renuncia ou por un incremento do crédito orzamentario dispoñible destinado a estas axudas. Para estes efectos, poderanse realizar sucesivas propostas de resolución.
Terceiro. Excluír e declarar desistidas as solicitudes que se relacionan no anexo III, con indicación da causa específica: por desistencia expresa, por non cumprir o requisito de emenda e/ou achega dos documentos preceptivos no prazo establecido, segundo o disposto no artigo 12.1 das bases reguladoras, ou ben por non cumprir algún dos requisitos establecidos nas referidas bases.
Cuarto. Informar ás asociacións de nais e pais beneficiarias, con sede social na provincia da Coruña, que figuran no anexo I desta resolución do seguinte:
a) As axudas para as actividades de promoción da igualdade entre mulleres e homes e de prevención e rexeitamento da violencia contra as mulleres están financiadas en desenvolvemento do Pacto de Estado contra a violencia de xénero.
b) De acordo co establecido no artigo 3 das bases reguladoras, estas axudas son compatibles con outras subvencións, axudas e ingresos, ou recursos para a mesma finalidade, procedentes de calquera outra Administración ou entidade pública ou privada.
O importe da subvención concedida non poderá superar en ningún caso, illadamente ou en concorrencia con outras subvencións ou axudas, o custo da actuación ou actividade que vai desenvolver a entidade solicitante, nin o importe total do correspondente concepto de gasto.
En caso de que o conxunto das axudas supere o custo das actividades ou gastos subvencionables, esta axuda reducirase na cantidade necesaria ata acadar o cumprimento do establecido anteriormente.
c) Para poderen ser beneficiarias da subvención, as entidades deberán cumprir os requisitos, condicións e obrigas previstos na convocatoria e na normativa xeral de subvencións, e en particular non atoparse en ningunha das circunstancias ou prohibicións sinaladas nos números 2 e 3 do artigo 10 da Lei 9/2007, do 13 de xuño, así como as condicións e obrigas establecidas no artigo 20 (obrigas das entidades beneficiarias) das bases reguladoras e as demais que resulten exixibles segundo a normativa de aplicación.
d) No artigo 22 das bases reguladoras establécense os criterios de gradación dos posibles incumprimentos que determinan, de ser o caso, a perda do dereito ao cobramento da subvención, a minoración da cantidade concedida ou, se for o caso, o reintegro total ou parcial da axuda percibida.
e) Unha vez publicada a resolución de concesión da subvención, a entidade beneficiaria deberá comunicar no prazo de dez (10) días a súa aceptación, e deberá comprometerse a executar a/as actuación/s subvencionada/s no prazo e condicións establecidos na convocatoria, presentando o anexo IV da Orde do 22 de decembro de 2005. No caso de non comunicar este aspecto no prazo indicado, entenderase tacitamente aceptada.
f) De acordo co establecido no artigo 19.1 das bases reguladoras, o pagamento do importe da subvención realizarase do seguinte xeito: un primeiro pagamento do 80% da contía da subvención concedida, en concepto de anticipo con anterioridade á xustificación da axuda, que se fará efectivo unha vez realizada a publicación da resolución e aceptada a subvención por parte da entidade segundo o citado anexo IV. No caso de non comunicar expresamente a aceptación no prazo indicado no artigo 15.4, entenderase tacitamente aceptada e procederase ao pagamento do anticipo.
Os departamentos territoriais da Consellería de Política Social e Igualdade, de acharen conforme a documentación xustificativa, proporán o pagamento do 20 % restante, ou da parte que corresponda, que se librará logo da xustificación por parte das entidades beneficiarias do cumprimento da finalidade para a cal se concedeu a subvención e das demais condicións exixidas na orde.
g) Para poderen ser tidos en conta, os gastos deben estar xerados entre o 1 de decembro de 2025 e o 30 de novembro de 2026, e deberán estar efectivamente pagados, como máximo, na data de finalización do prazo de xustificación, o 10 de decembro de 2026.
h) As entidades beneficiarias deberán presentar, con data límite do 10 de decembro de 2026, a documentación xustificativa establecida no artigo 18 da referida Orde do 22 de decembro de 2025.
Quinto. Notificarlles ás persoas interesadas a presente resolución, de acordo co disposto na Lei 39/2015, do 1 de outubro.
Esta resolución esgota a vía administrativa e contra ela poderase interpoñer recurso potestativo de reposición, ante o mesmo órgano que a ditou, no prazo dun mes contado desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, ou directamente recurso contencioso-administrativo, ante o Tribunal Superior de Xustiza de Galicia, no prazo de dous meses contados desde o día seguinte ao da súa publicación, de conformidade co establecido na Lei 29/1998, reguladora da xurisdición contencioso-administrativa.
De se presentar recurso de reposición, non se poderá interpoñer o recurso contencioso-administrativo ata que aquel sexa resolto expresamente ou se produza a desestimación presunta.
Santiago de Compostela, 28 de maio de 2026. A conselleira de Política Social e Igualdade. P.D. (Disposición adicional única da Orde do 22.12.2025; DOG núm. 26, do 9 de febreiro), María Blanco Aller, directora territorial da Coruña.