Conforme o previsto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícaselle á persoa que se relaciona no anexo o acordo de inicio ditado pola persoa titular do Servizo de Mobilidade de Lugo no expediente sancionador número LU/00478/2026, por infracción da normativa sobre transporte terrestre, ao resultar infrutuosa a súa notificación postal. A eficacia desta notificación queda supeditada á súa publicación no taboleiro de edictos único do Boletín Oficial del Estado.
O texto íntegro do acordo que se notifica, xunto co resto da documentación do expediente, está á disposición da persoa interesada no Servizo de Mobilidade de Lugo.
Outórgaselle un prazo quince (15) días hábiles, contado desde o día seguinte ao da publicación deste anuncio no BOE, para alegar o que considere conveniente, presentando ou propoñendo as probas que considere oportunas.
No suposto que decida voluntariamente pagar a sanción antes de que transcorran trinta (30) días, contados desde o seguinte ao da publicación do presente anuncio no BOE, a súa contía reducirase nun 30 % na forma prevista no artigo 146.3 da Lei 16/1987, do 30 de xullo, de ordenación dos transportes terrestres. A realización do dito pagamento implica a conformidade cos feitos denunciados, a renuncia a formular alegacións por parte da persoa interesada e a terminación do procedemento sancionador.
Lugo, 29 de maio de 2026
Marina Fernández Pérez
Xefa do Servizo de Mobilidade de Lugo
ANEXO
|
Expediente Matrícula |
DNI/CIF denunciado/a |
Infracción denunciada Data-hora-estrada-p.q. |
Precepto |
Precepto |
Sanción |
|
LU/00478/2026 7582-KYZ |
77597327L |
Transporte de mercadorías desde Pastoriza ata Foz utilizando un vehículo que carece do certificado de conformidade para o transporte de produtos alimenticios ou mercadorías perecedoiras ou por ter o dito certificado caducado ou falseado. Realiza transporte privado complementario. Transporta peixe fresco en caixas con xeo. Non presenta a autorización de mercadorías perecedoiras. O vehículo non leva placas identificativas. |
Artigo 141.21 LOTT Artigo 198.25 ROTT Real decreto 237/2000 Artigo 7 |
Artigo 201 d) ROTT Artigo 143.1 LOTT |
401 euros |