De conformidade co disposto no artigo 22.3 da Lei 3/2007, do 9 de abril, de prevención e defensa contra os incendios forestais de Galicia, cando non se poida determinar a identidade da persoa responsable da xestión da biomasa vexetal e retirada de especies arbóreas prohibidas, cando se ignore o lugar de notificación ou cando, intentada esta, non se poida practicar, farase por medio dun anuncio publicado no Boletín Oficial del Estado e no taboleiro de anuncios do Concello, e conterá os datos catastrais da parcela. Nestes supostos, o prazo para o cumprimento computarase desde a publicación do anuncio no Boletín Oficial del Estado.

Procédese, en cumprimento do establecido no artigo 44 da Lei 39/2015, do 1 de outubro, do procedemento administrativo común das administracións públicas, á publicación deste anuncio para os efectos de notificar a resolución de incoación de expediente de xestión da biomasa (obriga de retirar especies arbustivas prohibidas) na Suigrexa, parroquia de Petán, A Caniza, referencia catastral 36009A00700439.

Publícase unicamente unha breve indicación do contido da notificación, cuxo texto íntegro se atopa nas dependencias municipais, onde a persoa interesada ou o seu representante, debidamente acreditado, poderá comparecer no prazo de dez (10) días contado desde o día seguinte ao da publicación do presente anuncio no Boletín Oficial del Estado e formular as alegacións que teña por oportunas.

A Caniza, 29 de maio de 2026

Luis Antonio Gómez Piña
Alcalde