O nomeamento dos/das notarios/as que teñan que exercer no territorio de Galicia é competencia desta comunidade autónoma, segundo o disposto no artigo 26.1 do Estatuto de autonomía de Galicia, aprobado pola Lei orgánica 1/1981.
Visto o expediente instruído para a provisión de notarías vacantes en virtude de concurso ordinario convocado pola Resolución da Dirección Xeral de Seguridade Xurídica e Fe Pública, do 5 de maio de 2026, e resolto pola Resolución do 9 de xuño de 2026, e de conformidade cos artigos 23, 88 e demais concordantes do Regulamento notarial, co Decreto da Xunta de Galicia 136/2024, do 20 de maio, polo que se establece a estrutura orgánica da Consellería de Presidencia, Xustiza e Deportes, e coas demais disposicións legais autonómicas pertinentes,
DISPOÑO:
Nomear a notaria e os notarios que no anexo se relacionan para prover as notarías vacantes radicadas no ámbito da Comunidade Autónoma de Galicia.
Contra esta orde, que pon fin á vía administrativa, as persoas interesadas poderán interpoñer recurso potestativo de reposición ante esta consellería, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, ou poderán interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde a mesma data, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 25 de xuño de 2026
Diego Calvo Pouso
Conselleiro de Presidencia, Xustiza e Deportes
ANEXO
• Pedro Luis García de los Huertos Sánchez, notario de Cadaqués, para a notaría da Coruña.
• José Francisco Bódalo Lorente, notario de San Sadurniño, para a notaría de Ferrol.
• Álvaro Álvarez Guerra, notario de Viana do Bolo, para a notaría da Coruña.
• Alma María Carbajal de la Iglesia, notaria de Ponteareas, para a notaría de Outes.
• John Pérez Sánchez, notario de Quiroga, para a notaría de Becerreá.
• Andrés García-Bengochea Hernández, notario de Muxía, para a notaría de Vimianzo.