Expediente: IN407A 2026/068-1.

Promotor: UFD Distribución Electricidad, S.A.

Proxecto: LMT, CT e RBT no lugar Raxás.

Concello: Bergondo.

Feitos:

1. O día 4.3.2026, a empresa promotora solicitou a autorización administrativa previa, a autorización administrativa de construción e a declaración de utilidade pública da instalación de distribución eléctrica mencionada, co obxecto de mellorar a calidade da subministración de enerxía eléctrica no lugar de Raxás.

Ao abeiro dos artigos 123 e 143 do Real decreto 1955/2000, xunto coa relación de bens e dereitos afectados de necesaria ocupación para a construción da instalación proxectada, presentan o proxecto de execución denominado LMT, CT e RBT no lugar Raxás, asinado o día 22.9.2025 por Victoriano González Lemos, enxeñeiro técnico industrial eléctrico, número de colexiado 2.980 de Vigo, máis un anexo do 6.4.2026.

2. O proxecto someteuse ao trámite de información pública mediante un Acordo do 17.3.2026 publicado nos seguintes medios:

– Portal de transparencia e Goberno aberto da Consellería de Economía e Industria.

– DOG: 7.4.2026.

– BOP: 23.3.2026.

– Xornal La Voz de Galicia: 27.3.2026.

– Taboleiro de anuncios do Concello: segundo o certificado municipal do 21.5.2026

3. Durante o período en que o proxecto se someteu ao trámite de información pública non se presentou ningunha alegación, reclamación nin suxestión relacionada coa documentación obxecto de publicación.

4. Consonte o artigo 127 do Real decreto 1955/2000, do 1 de decembro, solicitouse o informe preceptivo ás distintas entidades afectadas: Concello de Bergondo e Ministerio de Transportes e Mobilidade Sostible. No día desta resolución, non constan no expediente respostas ás ditas solicitudes.

5. O día 11.6.2026 emitiuse o informe técnico.

Consideracións legais e técnicas:

1. O director territorial é competente para resolver este expediente, ao abeiro do disposto no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro), e no Decreto 140/2024, do 20 de maio, polo que se establece a estrutura orgánica da Consellería de Economía e Industria (DOG núm. 101, do 27 de maio).

2. Lexislación de aplicación.

– Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

– Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

– Lei 24/2013, do 26 de decembro, do sector eléctrico (BOE núm. 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

– Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalación eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).

– Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).

– Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).

– Lei do 16 de decembro de 1954, sobre expropiación forzosa (BOE núm. 351, do 17 de decembro).

– Decreto do 26 de abril de 1957, polo que se aproba o Regulamento da Lei de expropiación forzosa (BOE núm. 160, do 20 de xuño).

3. Características técnicas.

As instalacións obxecto deste expediente están situadas no lugar de Raxás (Bergondo) e as súas características técnicas son as seguintes:

– Entroncamento coa liña de media tensión aérea BEG705 (expediente 26432): realizarase mediante un paso aero-subterráneo para a nova derivación subterránea que alimentará o novo CT. Será necesario substituír o apoio existente AN1BGMO0//18-13 por un novo apoio de tipo C-3000/14, no cal se instalará un reconectador (RC) que servirá como dispositivo de protección e manobra para a derivación.

– Substitución de condutor por tipo LA-56 entre o apoio existente AN2PLJ03 e o apoio proxectado C-3000/14, retensando o van posterior, cunha lonxitude de 68 m.

– Liña eléctrica de media tensión subterránea, a 15 kV, cunha lonxitude de 1.414 m, con orixe no apoio proxectado tipo C-3000/14 da LMTA BEG705 (expediente 26.432), condutor tipo RHZ1-2OL 12/20 kV 3×150 mm² Al e final no CT proxectado no lugar de Trasdoval.

– Centro de transformación prefabricado tipo compacto rural fin de liña, cunha potencia de 160 kVA e relación de transformación de 15.000/400 V.

4. Na visita de campo realizada para examinar o lugar da instalación non se apreciou, nos predios sometidos a expropiación, ningunha das limitacións á constitución da servidume que sinala o artigo 58.a) da Lei 24/2013, do 26 de decembro, do sector eléctrico.

5. No expediente consta un informe favorable dos servizos técnicos deste departamento territorial.

Consonte todo o sinalado,

RESOLVO:

A) Conceder a autorización administrativa previa, a autorización administrativa de construción e a declaración de utilidade pública da dita instalación de distribución eléctrica.

A declaración de utilidade pública leva implícita a necesidade de ocupación dos bens e de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

B) A instalación executarase no prazo de dous anos, contados a partir do día seguinte ao da publicación desta resolución no Diario Oficial de Galicia.

C) Para a posta en funcionamento da instalación autorizada, deberá achegar ante este departamento territorial unha solicitude á cal xuntará a seguinte documentación:

– As declaracións de conformidade relativas ao material ou equipamento e as certificacións ou homologacións, se procede.

– Un certificado do/da director/a da montaxe en que se garantirá o cumprimento das especificacións do proxecto e das prescricións complementarias, se as houber, así como das regulamentacións e normas axeitadas para a montaxe da instalación e posta a punto.

– Planimetría as built da instalación eléctrica en formato shape.

D) Esta autorización outórgase sen prexuízo doutras que sexan de aplicación segundo a lexislación vixente, en especial no relativo á ordenación do territorio e ao ambiente.

O incumprimento das condicións e requisitos establecidos nesta resolución ou a variación substancial dos presupostos que determinaron o seu outorgamento poderán dar lugar á súa revogación, logo de audiencia ao interesado, segundo o establecido no artigo 53.10 da Lei 24/2013, do 26 de decembro, do sector eléctrico.

Contra esta resolución, que non é definitiva en vía administrativa, poderá interporse recurso de alzada perante a conselleira de Economía e Industria, no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da dita Lei 39/2015, sen prexuízo de que as persoas interesadas poidan interpor calquera outro recurso que consideren axeitado.

Mediante este documento notifícaselles ás persoas interesadas esta resolución, segundo o exixido no artigo 40.1 da Lei 39/2015.

A Coruña, 15 de xuño de 2026

Isidoro Martínez Arca
Director territorial da Coruña

ANEXO

Relación de bens e dereitos afectados. Concello de Bergondo

Núm. parcela	Lugar Referencia catastral	Cultivo	Titular	Afección de solo en pleno dominio		Afección de solo por servidume de paso de enerxía eléctrica				Ocupación temporal
				Apoio núm.	m²	ml aér.	ml sot.	m² aér.	m² sot.	Sup. (m²)
1	Castro 15008A019000430000XD	Labradío	Fundación Jiménez Cossío Margarita Jiménez Natalia Jiménez Fawcett Alejandra Elena Jiménez Von Humboldt Carolina Gabriela Jiménez Von Humboldt	Apoio núm. 1	2.0		2.9		8.88	460
2	San Paio 15008A002002470000XI	Matogueira	Isidoro Ponte Miramontes Montserrat Ponte Miramontes María del Socorro Ponte Miramontes María Dolores Ponte Miramontes María Carmen Ponte Miramontes	CT + acceso	41.46

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m² aér.: superficie da servidume aérea en m².

m² sot.: superficie de servidume soterrada.