Expediente: IN407A 2022/270-1.

Promotora: UFD Distribución Electricidad, S.A.

Proxecto: Regulamentación da LAMT POT810 San Crimenzo-Olveira 10 entre os apoios 9CP31FTV//D53 e 9CKLU1H6//D53-6.

Concello: Dumbría.

Feitos:

1. O día 12 de xullo de 2024, o Departamento Territorial da Coruña da Consellería de Economía e Industria concedeu a autorización administrativa previa e de construción e a declaración de utilidade pública, en concreto, dunha instalación de distribución eléctrica no concello de Dumbría (DOG núm. 168, do 2 de setembro). O obxecto do proxecto é realizar obras de regulamentación nun tramo da liña de distribución de media tensión denominada LMTA POT810 San Crimenzo-Olveira 10 (expediente IN407A 09/291) por danos e irregularidades.

2. O día 9 de marzo de 2026, a empresa promotora comunica que detectou incongruencias entre o condutor existente e o condutor indicado no proxecto autorizado, o que fai variar a servidume de voo aprobada para a liña de media tensión. De acordo con este feito, indica que foi necesario realizar unha xestión de permisos para a nova servidume de voo e que non se acadou un acordo cos propietarios de tres parcelas afectadas. Por este motivo, presenta un anexo ao proxecto acompañado de novos planos e a relación de bens e dereitos afectados que inclúe as superficies das parcelas recollidas no anexo a esta resolución, para as que solicitan a declaración de utilidade pública.

3. O día 19 de marzo de 2026, a empresa promotora comunica que chegou a un acordo co propietario actual do predio con referencia catastral polígono 505, parcela 487 (parcela núm. 1 da RBDA da Resolución do 12 de xullo de 2024) e solicita a súa exclusión do expediente de expropiación.

4. O día 23.3.2026, o Departamento Territorial da Coruña da Consellería de Economía e Industria acordou someter o proxecto ao trámite de información pública a través dos seguintes medios:

• Portal de transparencia e Goberno aberto da Consellería de Economía e Industria.

• DOG: 16.4.2026.

• BOP: 27.3.2026.

• Xornal La Voz de Galicia, edición Bergantiños: 6.4.2026.

• Taboleiro de anuncios do Concello: segundo o certificado municipal do 20.4.2026.

Durante o período de exposición non se presentou ningunha alegación, reclamación nin suxestión relacionada coa documentación obxecto de publicación.

Consideracións legais e técnicas:

1. O director territorial é competente para resolver este expediente, ao abeiro do disposto no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro), e no Decreto 140/2024, do 20 de maio, polo que se establece a estrutura orgánica da Consellería de Economía e Industria (DOG núm. 101, do 27 de maio).

2. Lexislación de aplicación:

– Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

– Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

– Lei 24/2013, do 26 de decembro, do sector eléctrico (BOE núm. 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

– Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalación eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).

– Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).

– Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).

– Lei do 16 de decembro de 1954, sobre expropiación forzosa (BOE núm. 351, do 17 de decembro).

– Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

Consonte todo o sinalado,

RESOLVO:

A) Conceder a modificación da declaración de utilidade pública para a dita instalación de distribución eléctrica, coa inclusión dos predios que figuran no anexo a esta resolución e a exclusión do predio núm. 1 da relación de bens e dereitos afectados que se insería coa Resolución do 12 de xullo de 2024.

A declaración de utilidade pública leva implícita a necesidade de ocupación dos bens e de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

B) A instalación executarase no prazo de dous anos, contados a partir do día seguinte ao da publicación desta resolución no Diario Oficial de Galicia.

C) Para a posta en funcionamento da instalación autorizada, deberá achegar ante este departamento territorial unha solicitude á cal xuntará a seguinte documentación:

– As declaracións de conformidade relativas ao material ou equipamento e as certificacións ou homologacións, se procede.

– Un certificado do/a director/a da montaxe en que se garantirá o cumprimento das especificacións do proxecto e das prescricións complementarias, se as houber, así como das regulamentacións e normas axeitadas para a montaxe da instalación e posta a punto.

– Planimetría as built da instalación eléctrica en formato shape.

D) Esta autorización outórgase sen prexuízo doutras que sexan de aplicación segundo a lexislación vixente, en especial no relativo á ordenación do territorio e ao ambiente.

O incumprimento das condicións e dos requisitos establecidos nesta resolución ou a variación substancial dos presupostos que determinaron o seu outorgamento poderán dar lugar á súa revogación, logo de audiencia ao interesado, segundo o establecido no artigo 53.10 da Lei 24/2013, do 26 de decembro, do sector eléctrico.

Contra esta resolución, que non é definitiva en vía administrativa, poderase interpor recurso de alzada perante a conselleira de Economía e Industria, no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da dita Lei 39/2015, sen prexuízo de que as persoas interesadas poidan interpor calquera outro recurso que consideren axeitado.

Mediante este documento notifícaselles aos interesados esta resolución, segundo o exixido no artigo 40.1 da Lei 39/2015.

A Coruña, 15 de xuño de 2026

Isidoro Martínez Arca
Director territorial da Coruña

ANEXO

Relación de bens e dereitos afectados

Concello de Dumbría.

Nº de parcela	Lugar e ref. catastral	Cultivo	Propietario	Afección de solo por servidume de paso de enerxía eléctrica
				ml aér.	ml sot.	m² aér.	m² sot.
4	Lugar A Fonte da Roza 15034A505001710000BM	Rústico agrario	Áurea Amalia García García	3.87		22.28
5	Lugar A Fonte da Roza 15034A505001720000BO	Rústico agrario	Ubaldino Carreira Mouzo			39.59
11	Lugar Grixa Moura 15034A505001680000BM	Rústico agrario	Cipriano Trillo Priegue	1.3		19.68

Abreviacións:

ml aér.: lonxitude da servidume aérea en metros lineais.	ml sot.: lonxitude da servidume soterrada en metros lineais.
m² aér.: superficie de servidume aérea en m².	m² sot.: superficie de servidume soterrada.