DOG 142 do 30/7/2026 - EXTRACTO da Resolución do 16 de xullo de 2026 pola que se aproban as bases reguladoras para a concesión, en réxime de concorrencia non competitiva, das axudas destinadas ao apoio de entidades que superaron os limiares mínimos do programa Neotec do Centro para o Desenvolvemento Tecnolóxico e a Innovación (CDTI) na súa convocatoria do ano 2025, e se procede á súa convocatoria para o ano 2026. Programa Recuperación Excelencia Neotec (código de procedemento IN870A).

III. Outras disposicións

Axencia Galega de Innovación

EXTRACTO da Resolución do 16 de xullo de 2026 pola que se aproban as bases reguladoras para a concesión, en réxime de concorrencia non competitiva, das axudas destinadas ao apoio de entidades que superaron os limiares mínimos do programa Neotec do Centro para o Desenvolvemento Tecnolóxico e a Innovación (CDTI) na súa convocatoria do ano 2025, e se procede á súa convocatoria para o ano 2026. Programa Recuperación Excelencia Neotec (código de procedemento IN870A).

BDNS (Identif.): 921765.

De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións:

http://www.infosubvenciones.es/bdnstrans/GE/es/convocatoria/921765

Primeiro. Beneficiarias

Terán a consideración de entidades beneficiarias as pequenas empresas innovadoras que, tendo presentado unha solicitude de axuda á convocatoria de referencia e obtido o selo Neotec conforme o artigo 14 da convocatoria de referencia, resultasen desestimadas por insuficiencia de orzamento dispoñible para financiar o proxecto con cargo á devandita convocatoria, conforme a resolución definitiva da Presidencia do CDTI da convocatoria do programa Neotec do ano 2025.

Segundo. Obxecto

Apoiar a posta en marcha de novos proxectos empresariais que requiran o uso de tecnoloxía ou coñecementos desenvoltos a partir da actividade investigadora e nos cales a estratexia de negocio se basee no desenvolvemento de tecnoloxía, rescatando para iso aqueles proxectos presentados á convocatoria de referencia (programa Neotec) que obtiveron o selo Neotec na devandita convocatoria do ano 2025 pero que non foron beneficiarios por insuficiencia de crédito.

Terceiro. Bases reguladoras

Publícanse conxuntamente coa convocatoria.

Cuarto. Contía

Para a concesión desta subvención destinarase un importe total de 2.625.000 € con cargo á aplicación orzamentaria 07.A2.561A.770.0 e código de proxecto 2023-00007, dos cales 656.250 € corresponden ao ano 2026, 1.312.500 € ao ano 2027 e 656.250 € ao ano 2028.

Destas contías reservaranse 1.625.000 € para os proxectos que obteñan a cualificación de STEP segundo o Regulamento (UE) nº 2024/795. Este importe desagrégase por anualidades do seguinte xeito: 406.250 € no ano 2026, 812.500 € no ano 2027 e 406.250 € no ano 2028.

O 1.000.000 € restante da convocatoria poderá repartirse entre os proxectos que, cumprindo os requisitos, non teñan a consideración de STEP. Este importe desagrégase por anualidades do seguinte xeito: 250.000 € no ano 2026, 500.000 € no ano 2027 e 250.000 € no ano 2028.

As actuacións deberán ter un orzamento financiable mínimo de 175.000 € e máximo de 750.000 €.

A convocatoria financiarase con fondos Feder, no marco do programa Galicia Feder 2021-2027.

Quinto. Prazo de presentación de solicitudes

O prazo de presentación de solicitudes de axuda comezará a computarse unha vez transcorridos 5 días hábiles, que se contarán a partir do día seguinte ao da publicación desta resolución no Diario Oficial de Galicia, ás 9.00 horas, e rematará ás 23.59 horas do día 30 de setembro de 2026.

Sexto. Procedemento de concesión, período subvencionable e xustificación das axudas

As axudas concédense en réxime de concorrencia non competitiva.

A data de comezo dos proxectos será o 1 de xullo de 2026.

A presentación da documentación xustificativa realizarase no prazo dun mes desde a data de remate do proxecto. Para estes efectos, terase en conta o establecido no artigo 26.1.

Santiago de Compostela, 16 de xullo de 2026

Carmen Cotelo Queijo
Directora da Axencia Galega de Innovación