O artigo 5 do Estatuto da entidade pública empresarial Augas de Galicia, aprobado polo Decreto 32/2012, do 12 de xaneiro, configura o Consello Reitor como un dos seus órganos de goberno e o artigo 7 do dito estatuto indica que é o órgano colexiado de goberno de Augas de Galicia.
A composición do Consello Reitor fíxase no artigo 7 do Estatuto da entidade pública empresarial Augas de Galicia indicando que está integrado pola presidencia, que lle corresponde a quen desempeñe a de Augas de Galicia, a vicepresidencia, que corresponde a quen desempeñe a dirección da entidade, e que ademais formarán parte del os seguintes vogais:
a) Once representantes da Administración xeral da Comunidade Autónoma de Galicia, propostos polas consellerías seguintes:
Cinco serán propostos pola consellería competente en materia de augas.
Un será proposto polas consellerías competentes en materia de administracións públicas, facenda, industria, sanidade, desenvolvemento rural e pesca.
b) Tres vogais representantes das entidades locais propostos pola Federación Galega de Municipios e Provincias, dos cales un deberá ser, chegado o caso da súa creación, proposto polas áreas metropolitanas que se creen.
c) Oito vogais representantes dos usuarios: dous polos usos domésticos da auga, correspondendo a proposta dun deles ás entidades subministradoras e outro ás comunidades de usuarios e autoabastecemento, dous polos usuarios agrícolas e gandeiros, dous polos usos industriais e dous en representación dos aproveitamentos hidroeléctricos.
d) Un vogal en representación das asociacións non gobernamentais de carácter ambiental máis representativas de Galicia.
e) Un/unha representante da Administración xeral do Estado.
O artigo 7.5 do Estatuto da entidade pública empresarial Augas de Galicia dispón que o nomeamento e cesamento dos membros do Consello Reitor será realizado pola persoa titular da consellería competente en materia de augas e que o mandato dos representantes dos usuarios durará catro anos.
O 30 de xaneiro de 2012 publicouse no Diario Oficial de Galicia a Orde do 24 de xaneiro de 2012 pola que se nomean os membros do Consello Reitor da entidade pública empresarial Augas de Galicia.
O 20 de febreiro de 2017 publicouse no Diario Oficial de Galicia a Orde do 24 de xaneiro de 2017 pola que se nomean os membros do Consello Reitor da entidade pública empresarial Augas de Galicia.
O 16 de outubro de 2019 publicouse no Diario Oficial de Galicia a Orde do 7 de outubro de 2019 pola que se nomean membros do Consello Reitor da entidade pública empresarial Augas de Galicia, e se dispón a substitución dos vogais titulares e suplentes que cesaron automaticamente.
O 24 de xuño de 2021 publicouse no Diario Oficial de Galicia a Orde do 3 de xuño de 2021 pola que se nomean os membros do Consello Reitor da entidade pública empresarial Augas de Galicia e o 15 de xullo de 2021 publicouse unha corrección de erros da dita Orde do 3 de xuño de 2021.
O 25 de outubro de 2021 publicouse no Diario Oficial de Galicia a Orde do 15 de outubro de 2021 pola que se nomea un membro do Consello Reitor da entidade pública empresarial Augas de Galicia.
O 25 de novembro de 2024 publicouse no Diario Oficial de Galicia a Orde do 30 de outubro de 2024 pola que se nomean membros do Consello Reitor da entidade pública empresarial Augas de Galicia.
Procede neste momento efectuar novos nomeamentos do dito Consello Reitor.
Por todo isto, en virtude do establecido no artigo 7.5 do Estatuto da entidade pública empresarial Augas de Galicia e das atribucións que me confire a Lei 1/1983, do 22 de febreiro, de normas reguladoras da Xunta e da súa Presidencia,
DISPOÑO:
Primeiro. Deixar sen efecto os nomeamentos de vogais titulares e suplentes do Consello Reitor de Augas de Galicia efectuados pola Orde do 3 de xuño de 2021 (DOG núm. 119, do 24 de xuño), pola Orde do 15 de outubro de 2021 (DOG núm. 205, do 25 de outubro) e pola Orde do 30 de outubro de 2024 (DOG núm. 227, do 25 de novembro).
Segundo. Nomear vogais titulares e suplentes do Consello Reitor da entidade pública empresarial Augas de Galicia as persoas titulares dos postos que se indican:
a) Once vogais en representación da Administración xeral da Comunidade Autónoma de Galicia, propostos por cada unha das consellerías competentes nas seguintes materias:
a.1. Cinco pola consellería competente en materia de augas:
– Titular: a persoa titular da Xerencia de Augas de Galicia.
– Suplente: a persoa titular do Servizo de Recursos Humanos e Réxime Interior.
– Titular: a persoa titular da Comisaría de Augas de Augas de Galicia.
– Suplente: a persoa titular do Servizo de Tramitación de Autorizacións e Concesións.
– Titular: a persoa titular da Subdirección Xeral de Réxime Económico e Financeiro de Augas de Galicia.
– Suplente: a persoa titular do Servizo de Xestión Orzamentaria de Augas de Galicia.
– Titular: a persoa titular da Dirección Xeral de Calidade Ambiental e Sostibilidade da Consellería de Medio Ambiente e Cambio Climático.
– Suplente: a persoa titular da Dirección Xeral de Patrimonio Natural da Consellería de Medio Ambiente e Cambio Climático.
– Titular: a persoa titular da Dirección Xeral de Enerxías Renovables e Cambio Climático da Consellería de Medio Ambiente e Cambio Climático.
– Suplente: a persoa titular da Dirección Xeral do Instituto Galego de Estudos do Territorio.
a.2. Un pola consellería competente en materia de administracións públicas:
– Titular: a persoa titular da Dirección Xeral de Emerxencias e Interior da Consellería de Presidencia, Xustiza e Deportes.
– Suplente: a persoa titular da Subdirección Xeral de Planificación e Protección Civil da Consellería de Presidencia, Xustiza e Deportes.
a.3. Un pola consellería competente en materia de facenda:
– Titular: a persoa titular da Subdirección Xeral de Programación Financeira do Sector Público Autonómico e de Seguimento de Políticas de Gasto da Consellería de Facenda e Administración Pública.
– Suplente: a persoa titular da Xefatura do Servizo de Seguimento de Políticas de Gasto da Consellería de Facenda e Administración Pública.
a.4. Un pola consellería competente en materia de industria:
– Titular: a persoa titular da Secretaría Xeral Técnica da Consellería de Economía e Industria.
– Suplente: a persoa titular da Vicesecretaría Xeral da Consellería de Economía e Industria.
a.5. Un pola consellería competente en materia de sanidade:
– Titular: a persoa titular da Subdirección Xeral de Saúde Ambiental e Seguridade Alimentaria da Consellería de Sanidade.
– Suplente: a persoa titular da Xefatura do Servizo de Saúde Ambiental da Consellería de Sanidade.
a.6. Un pola consellería competente en materia de desenvolvemento rural:
– Titular: a persoa titular da Dirección Xeral de Desenvolvemento Rural da Consellería do Medio Rural.
– Suplente: a persoa titular da Subdirección Xeral de Infraestruturas Agrarias da Consellería do Medio Rural.
a.7. Un pola consellería competente en materia de pesca:
– Titular: a persoa titular da Dirección do Instituto Tecnolóxico para o Control do Medio Mariño da Consellería do Mar.
– Suplente: a persoa titular da Subdirección do Instituto Tecnolóxico para o Control do Medio Mariño da Consellería do Mar.
b) Tres vogais en representación das entidades locais:
– Titular: a persoa titular da Alcaldía do Concello de Vilagarcía de Arousa.
– Suplente: a persoa titular da Secretaría Xeral da Federación Galega de Municipios e Provincias.
– Titular: a persoa titular da Alcaldía do Concello de Poio.
– Suplente: a persoa titular da Alcaldía do Concello de Cartelle.
– Titular: a persoa titular da Alcaldía do Concello de Tomiño.
– Suplente: a persoa titular da Alcaldía do Concello de Barreiros.
c) Oito vogais representantes dos usuarios:
c.1. Dous en representación dos usos domésticos da auga:
– Titular: a persoa titular da Xerencia da entidade pública empresarial local Augas de Ames.
– Suplente: a persoa titular da Concellería de Obras do Concello de Ames.
– Titular: un/unha representante legal da Asociación de Traídas de Auga de Galicia (Coxapo).
– Suplente: un/unha técnico/a da Asociación de Traídas de Auga de Galicia (Coxapo).
c.2. Dous en representación dos usuarios agrícolas e gandeiros:
– Titular: a persoa responsable da política agraria da Asociación Profesional Unións Agrarias (UU.AA.).
– Suplente: un membro da executiva nacional do Sindicato Labrego Galego (SLG), proposto o 28 de maio de 2026 polo dito sindicato.
– Titular: a persoa titular da Presidencia da Asociación Agraria de Galicia (Asaga).
– Suplente: un membro da executiva nacional do Sindicato Labrego Galego (SLG), proposto o 28 de maio de 2026 polo dito sindicato.
c.3. Dous en representación dos usos industriais:
– Titular: a persoa titular dunha das vicepresidencias da Confederación de Empresarios de Galicia, proposta o 27 de maio de 2026 pola dita confederación.
– Suplente: a persoa titular dunha das vicepresidencias da Confederación de Empresarios de Galicia, proposta o 27 de maio de 2026 pola dita confederación.
– Titular: un/unha vogal da Asemblea Xeral da Confederación de Empresarios de Galicia, proposto o 27 de maio de 2026 pola dita confederación.
– Suplente: un/unha vogal do Comité Executivo da Confederación de Empresarios de Galicia, proposto o 27 de maio de 2026 pola dita confederación.
c.4. Dous en representación dos aproveitamentos hidroeléctricos:
– Titular: a persoa titular da Dirección de Enerxía de Xallas Electricidad y Aleaciones, S.A.
– Suplente: a persoa titular da Unidade de Produción Hidráulica Noroeste de Endesa Generación, S.A.
– Titular: a persoa titular da Dirección de Enerxía e Promoción de Energía de Galicia, S.A.
– Suplente: a persoa titular da Dirección de Desarrollo de Negocio de Técnicos Asociados Gallegos, S.L.
d) Un en representación das asociacións non gobernamentais de carácter ambiental máis representativas de Galicia:
– Titular: a persoa titular da vogalía de Auga e Ríos da Asociación para a Defensa Ecolóxica de Galiza.
– Suplente: a persoa titular da Presidencia da Sociedade Galega de Historia Natural.
e) Un en representación da Administración xeral do Estado:
– Titular: a persoa titular da Presidencia da Confederación Hidrográfica do Miño-Sil.
– Suplente: a persoa titular da Xefatura de Planificación Hidrográfica da Confederación Hidrográfica do Miño-Sil.
Terceiro. Esta orde producirá efectos desde o día en que se dita, sen prexuízo da súa posterior publicación no Diario Oficial de Galicia.
Santiago de Compostela, 5 de xuño de 2026
Ángeles Vázquez Mejuto
Conselleira de Medio Ambiente e Cambio Climático