No Diario Oficial de Galicia número 71, do 17 de abril de 2026, publícase a Orde do 6 de abril de 2026 pola que se establecen as bases reguladoras para a concesión, en réxime de concorrencia competitiva, de subvencións a institucións sen fin de lucro destinadas ao financiamento de gastos correntes derivados da realización de festivais, feiras, mostras, ciclos e certames de artes escénicas e musicais de carácter afeccionado, e se convocan para o ano 2026 (código de procedemento CT215A).

O procedemento de concesión das subvencións será en réxime de concorrencia competitiva e conforme os principios de publicidade, transparencia, igualdade e non discriminación.

De conformidade coa disposición adicional, apróbase a delegación de atribucións da persoa titular da Consellería de Cultura, Lingua e Xuventude na persoa titular da Dirección Xeral de Cultura para resolver a concesión, a denegación, a modificación ou outras incidencias das axudas previstas nesta orde.

O artigo 15.1 da Lei 9/2007, do 13 de xuño, de subvencións de Galicia, establece a obrigatoriedade da publicación no Diario Oficial de Galicia das subvencións concedidas, con expresión da convocatoria, o programa e o crédito orzamentario ao que se imputan, o beneficiario, a cantidade concedida e finalidade ou finalidades da subvención. Así mesmo, segundo o artigo 16 da orde de convocatoria, esta resolución notificaráselles ás persoas interesadas consonte o artigo 17 da orde e publicarase no Diario Oficial de Galicia e na páxina web oficial da Consellería de Cultura, Lingua e Xuventude (https://www.cultura.gal).

En consecuencia,

RESOLVO:

Primeiro. Ordenar a publicación no Diario Oficial de Galicia do contido íntegro da Resolución do 5 de agosto de 2026 pola que se conceden as axudas ao abeiro da Orde do 6 de abril de 2026 (DOG núm. 71, do 17 de abril) pola que establecen as bases reguladoras para a concesión, en réxime de concorrencia competitiva, de subvencións a institucións sen fin de lucro destinadas ao financiamento de gastos correntes derivados da realización de festivais, feiras, mostras, ciclos e certames de artes escénicas e musicais de carácter afeccionado, e se convocan para o ano 2026.

Segundo. Comunicar que a Resolución do 5 de agosto de 2026, que finaliza este procedemento, esgota a vía administrativa e contra ela poderase interpor potestativamente un recurso de reposición perante o mesmo órgano que a ditou no prazo dun mes, que se contará a partir do día seguinte ao da súa publicación no Diario Oficial de Galicia.

Esta resolución tamén poderá ser impugnada directamente ante o Tribunal Superior de Xustiza de Galicia no prazo de dous meses, que se contarán a partir do día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 7 de agosto de 2026

Anxo Manuel Lorenzo Suárez
Director xeral de Cultura

ANEXO

Resolución do 5 de agosto de 2026 pola que se conceden as axudas ao abeiro da
Orde do 6 de abril de 2026 (DOG número 71, do 17 de abril) pola que establecen as
bases reguladoras para a concesión, en réxime de concorrencia competitiva, de
subvencións a institucións sen fin de lucro destinadas ao financiamento de gastos
correntes derivados da realización de festivais, feiras, mostras, ciclos e certames
de artes escénicas e musicais de carácter afeccionado, e se convocan para o ano 2026

Logo de examinar as solicitudes de subvencións a institucións sen fin de lucro destinadas ao financiamento de gastos correntes derivados da realización de festivais, feiras, mostras, ciclos e certames de artes escénicas e musicais de carácter afeccionado, e tendo en conta o cumprimento dos requisitos e trámites establecidos na Lei 9/2007, de 13 de xuño de subvencións de Galicia; na Lei de réxime financeiro e orzamentario de Galicia, texto refundido aprobado polo Decreto lexislativo 1/1999, do 7 de outubro; no Decreto 11/2009, do 8 de xaneiro, polo que se aproba o regulamento da Lei 9/2007, do 13 de xuño, de subvencións de Galicia; no Decreto 193/2011, do 6 de outubro, polo que se regulan especialidades nas subvencións ás entidades locais galegas; e na Lei 38/2003, do 17 de decembro, xeral de subvencións, o director xeral de Cultura, en virtude da delegación de atribucións pola persoa titular da Consellería de Cultura, Lingua e Xuventude establecida na disposición adicional da Orde do 6 de abril de 2026, logo da elevación da proposta de resolución definitiva elevada polo órgano instrutor tal como establece o artigo 16 da devandita orde,

RESOLVE:

Primeiro. Conceder as axudas, polas contías que se indican, ás entidades que se relacionan no anexo I.

A suma total das axudas concedidas ascende a 75.000,00 €, con cargo á aplicación orzamentaria 13.03.432B.481.2 para subvencións a institucións sen fin de lucro destinadas ao financiamento de gastos correntes derivados da realización de festivais, feiras, mostras, ciclos e certames de artes escénicas e musicais de carácter afeccionado.

As entidades subvencionadas ás que fai referencia esta resolución quedan obrigadas a acreditar a realización dos proxectos subvencionados e a achegar a documentación xustificativa antes do 31 de outubro de 2026, conforme as condicións e a documentación establecidas no artigo 22 da orde de convocatoria.

Segundo. Aprobar a listaxe de entidades que non resultaron adxudicatarias por non acadar a puntuación exixida no artigo 15.2 da orde. Estas entidades relaciónanse no anexo II.

Terceiro. Aprobar a listaxe de entidades excluídas por non reuniren os requisitos fixados na orde de convocatoria, que se relacionan no anexo III.

Así mesmo, e conforme o establecido no artigo 21 da orde de convocatoria, as entidades subvencionadas con esta axuda quedarán suxeitas ás obrigas recollidas no artigo 11 da Lei 9/2007, do 13 de xuño, de subvencións de Galicia.

Esta resolución de adxudicación, que se notificará nos termos previstos no artigo 18, ponlle fin á vía administrativa, de acordo co artigo 114 da Lei 39/2015, do 1 de outubro, do procedemento administrativo común das administracións públicas e contra ela cabe interpoñer un recurso potestativo de reposición no prazo dun mes, que se contará a partir da data da súa notificación ás persoas interesadas, ou un recurso contencioso-administrativo perante o Tribunal Superior de Xustiza de Galicia no prazo de dous meses, que se contarán, así mesmo, desde a data de notificación.

Santiago de Compostela, 5 de agosto de 2026. O conselleiro de Cultura, Lingua e Xuventude. P.D. (Disposición adicional da Orde do 6.4.2026), Anxo M. Lorenzo Suárez, director xeral de Cultura.

ANEXO I

Listaxe definitiva das entidades sen fin de lucro adxudicatarias

Nº de expediente	Entidade	Proxecto	Puntuacións	Importe
CT215A-2026-01	Asociación Ameixa Rock	Ameixa Rock 2026	67	6.000,00 €
CT215A-2026-04	Asociación Cultural Rebulir	A Verbena da Rella	61	3.000,00 €
CT215A-2026-05	Asociación Cultural Bela Auria	Festival Internacional da Pedra	62	4.000,00 €
CT215A-2026-06	Asociación Cultural Bolarqueira	X Festival Nocedarock	65	5.000,00 €
CT215A-2026-07	Asociación Cultural Deportiva Armadiña	Festival Armadiña Rock	67	5.000,00 €
CT215A-2026-09	Asociación de Gaiteiros Galegos	33ª Mostra de Instrumentos de Música Tradicional	50	3.000,00 €
CT215A-2026-010	Lideiras Asociación Cultural	Pícnic Sesións	55	4.000,00 €
CT215A-2026-012	Asociación Cultural SonSistema	Tremeterra V Encontro de Sound Systema da Terra Brava	64	5.000,00 €
CT215A-2026-013	ACC Artístico e Recreativo Valadares	XXIII Revoltallo de Música Emerxente	53	3.000,00 €
CT215A-2026-014	A Sforza Bembrive	V Festival de Verán	45	2.000,00 €
CT215A-2026-016	Asociación Agrocuir da Ulloa	XI Festival Agrocuir da Ulloa	81	7.000,00 €
CT215A-2026-017	Ribeira Sacra Cultural	VII Fest Clásico Ribeira Sacra	67	6.000,00 €
CT215A-2026-018	Asociación Os Liantes	III Edición do Bruón Folk Fest	69	3.000,00 €
CT215A-2026-020	ASCD do Condado	38º Festival da Poesía no Condado	87	7.000,00 €
CT215A-2026-022	Asociación Cultural Vertixe	Festival Vertixe 14	70	6.000,00 €
CT215A-2026-023	Asociación Xornadas Etnográficas do Morrazo	VII Xornadas Etnográficas do Morrazo	71	6.000,00 €

ANEXO II

Institucións sen fin de lucro que non acadan a puntuación do artigo 15

Nº de expediente	Entidade	Proxecto	Puntuacións
			14.1.A	14.1.B	14.1.C	Total
CT215A-2026-02	Asociación Cultural Nosa Señora da O	Canto do Medio Rural	0	9	0	9
CT215A-2026-008	Asociación Cultural Merenda Creativa	Final Ceiba Rimas 2026	9	28	5	42
CT215A-2026-025	Asociación Recreo Cultural da Estrada	IV Festival O Sitio do Meu Recreo	2	11	0	13

ANEXO III

Listaxe de excluídos e causas da exclusión

Nº de expediente	Entidade	Proxecto	Observacións
CT215A-2026-03	Asociación Cultural Ao Compás do Río Ouro	Festival Conmemorativo de Músicos do Valadouro e Alfoz	a.1
CT215A-2026-011	Centro Social e Cultural Deportivo As Pedriñas	X Miúdo Fest	a.1
CT215A-2026-015	Asociación Festibandeira	Festival Murallón de Son	a.1
CT215A-2026-019	Asociación Polamiúda	Festival Feminista Polas Bravas VI Edición	a.2
CT215A-2026-021	Asociación Música Clásica	I Concurso Júnior Internacional Vigo-Galicia	a.2
CT215A-2026-024	Asociación Cultural Deportiva Recreativa Colibrí	I Concurso de Charangas de Tomiño	a1 e a.2
CT215A-2026-026	Asociación Castelab	Castes the Musical 2026	a.1 e a.2
CT215A-2026-027	Asociación Cultural As Vacas Fracas	Cedofestiñas	a.1

a.1: excluído por non axustarse á finalidade e obxecto establecidos no artigo 1.

a.2: excluído por non axustarse á finalidade e obxecto establecidos no artigo 2.