De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, e no artigo 22.3 da Lei 3/2007, do 9 de abril, de prevención e defensa contra os incendios forestais de Galicia, e dado que as persoas titulares dos bens que se relacionan a continuación son descoñecidas e que resulta imposible a súa notificación, notifícaselles ás persoas responsables a decisión da Alcaldía deste Concello de proceder á execución subsidiaria, coa conseguinte repercusión dos custos por incumprir as obrigas de xestión de biomasa e de retirada de especies arbóreas, consonte o que prevé a Lei 3/2007, do 9 de abril, de prevención e defensa contra os incendios forestais de Galicia.

As actas de inspección redactadas polo persoal do Concello de Soutomaior puxeron de manifesto o incumprimento, unha vez transcorridos os 15 días naturais concedidos ás persoas titulares ou propietarias descoñecidas por medio de notificación persoal ou por anuncios no Boletín Oficial del Estado e no Diario Oficial de Galicia, das obrigas de xestión de biomasa e/ou de retirada de especies arbóreas nas seguintes parcelas:

Expediente	Referencia catastral	Lugar	Superficie afectada	Liquidación provisional	Data de constatación de incumprimento	Persoa responsable (NIF semioculto por LOPD)
133/2026	36053A01400918	Alxán Soutomaior	109 m2	199,36 €	5.6.2026	Engracia Martínez Arias
132/2026	36053A01400857	Alxán Soutomaior	457 m2	356,94 €	5.6.2026	Mercedes Monroy S-S
1599/2025	36053A01400983	Alxán Soutomaior	583 m2	415,36 €	5.6.2026	***6927**
1525/2025	36053A01400154	Negueirós Arcade	2627,7 m2	2346,53 €	25.6.2026	Descoñecido
128/2026	36053A01400984	Alxán Soutomaior	481 m²	367,81 €	16.6.2026	Manuel Troiteiro Movilla

O artigo 22.3 da Lei 3/2007, do 9 de abril, de prevención e defensa contra os incendios forestais de Galicia, establece que cando non se poida determinar a identidade da persoa responsable da xestión de biomasa vexetal e da retirada de especies arbóreas prohibidas, ou cando resulte infrutuosa a notificación da comunicación, esta efectuarase mediante un anuncio no Boletín Oficial del Estado, no Diario Oficial de Galicia e no taboleiro do Concello, e conterá os datos catastrais da parcela.

O artigo 7.d), 22.4 e 22.10 da Lei 3/2007, do 9 de abril, de prevención e defensa contra os incendios forestais de Galicia, faculta a este Concello para a execución subsidiaria no caso de que se incumpran os traballos de xestión de biomasa, e repercutiránselles os custos ás persoas responsables.

O Concello poderá liquidar o custo provisional de maneira anticipada desde o momento no que se verifique o incumprimento da obriga da xestión de biomasa nos prazos sinalados na Lei xeral tributaria, sen prexuízo da súa liquidación definitiva unha vez finalizados os traballos de execución subsidiaria.

Cando a identidade da persoa responsable non sexa coñecida no tempo de proceder á execución subsidiaria, a repercusión dos custos aprazarase ao punto no que, se é o caso, chegue a ser coñecida, sempre que non prescriban os correspondentes dereitos de cobramento a favor da Facenda pública.

O artigo 22.9 da Lei 3/2007, do 9 de abril, de prevención e defensa contra os incendios forestais de Galicia, establece a obriga das persoas responsables a lles facilitar os accesos necesarios aos suxeitos que acometan os traballos de xestión da biomasa e de retirada das especies arbóreas prohibidas, sen que sexa preciso o consentimento da persoa titular, salvo naqueles supostos excepcionais nos que o acceso afecte, dentro da parcela, a espazos físicos susceptibles de merecer a cualificación de domicilio para os efectos do artigo 18.2 da Constitución española.

Soutomaior, 30 de xullo de 2026

Manuel Antonio Lourenzo Sobral
Alcalde presidente