O Pleno da Corporación, na sesión extraordinaria que tivo lugar o 29 de xullo de 2026, adoptou, entre outros, o acordo de aprobación definitiva do estudo de detalle ED-03-E.

No certificado do Pleno figura a adopción dos seguintes acordos:

Primeiro. Desestimar a seguinte alegación, presentada por Begoña Pereira Otero e Alberto Gros Isla, polos motivos expresados no informe dos servizos técnicos e do equipo redactor, motivos que se recollen no apartado sexto, letra f), do informe de Secretaría, transcrito no presente acordo.

Segundo. Aprobar definitivamente o Estudo de detalle ED-03-E descrito nos antecedentes.

Terceiro. Publicar no Diario Oficial de Galicia o acordo de aprobación definitiva e o texto dos documentos que o integran, así como o índice de planos do estudo de detalle, no Boletín Oficial da provincia.

Cuarto. Notificarlles este acordo ás persoas propietarias e ás demais interesadas directamente afectadas polo estudo de detalle.

Quinto. Comunicarlle á consellería competente en materia de urbanismo a aprobación do estudo de detalle, á vez que se lle remite un exemplar en soporte dixital, debidamente dilixenciado, co fin de que se inscriba no Rexistro do Plan Urbanístico de Galicia.

Sexto. Facultar a Alcaldía para que subscriba e asine toda clase de documentos e, en xeral, para todo o relacionado con este asunto.

Contra este acordo, con carácter de disposición administrativa de carácter xeral, pódese interpoñer directamente recurso contencioso-administrativo perante a sala correspondente do Tribunal Superior de Xustiza de Galicia (artigo 84.1 da Lei 2/2016, do 10 de febreiro, do solo de Galicia, e artigo 201.1 do seu regulamento), no prazo máximo de dous (2) meses, que se contarán a partir do día seguinte ao da publicación deste anuncio, de conformidade co disposto no artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme a dereito.

Baiona, 5 de agosto de 2026

Jesús Vázquez Almuíña
Alcalde