No Boletín Oficial da provincia de Pontevedra (BOP) número 161, do luns 24 de agosto de 2026, publicáronse as bases reguladoras dos procesos de selección, por promoción interna, para o acceso a varias categorías do corpo da Policía Local correspondentes a prazas da oferta de emprego público (OEP) do ano 2026.

A concelleira de Servizos non Territorializados convocou, mediante a Resolución do 11.8.2026, os procesos selectivos para a cobertura, pola quenda de promoción interna, das prazas vacantes no Concello de Pontevedra incluídas na oferta de emprego público do ano 2026 que a continuación se sinalan:

– Grupo segundo o artigo 76 do texto refundido da Lei do Estatuto básico do empregado público, aprobado polo Real decreto lexislativo 5/2015: C. Subgrupo C1. Clasificación: escala de Administración especial, subescala servizos especiais, clase policía local. Número de vacantes: 1. Denominación: oficial.

– Grupo segundo o artigo 76 do texto refundido da Lei do Estatuto básico do empregado público, aprobado polo Real decreto lexislativo 5/2015: A. Subgrupo A2. Clasificación: escala de Administración especial, subescala servizos especiais, clase policía local. Número de vacantes: 1. Denominación: inspector/a.

O prazo de presentación de instancias para participar no dito proceso de selección será de vinte días hábiles contados a partir do día seguinte ao da publicación deste anuncio no Boletín Oficial del Estado. Os sucesivos anuncios publicaranse no Boletín Oficial da provincia de Pontevedra e no taboleiro de edictos da corporación, nos termos establecidos nas bases.

Pontevedra, 24 de agosto de 2026

Miguel Anxo Fernández Lores
Alcalde