A Orde do 5 de xaneiro de 2026, publicada no DOG núm. 17, do 27 de xaneiro, estableceu as bases reguladoras para a concesión, en réxime de concorrencia non competitiva, de subvencións para o impulso dunha rede de mercados excelentes de Galicia e a dinamización e revitalización das prazas de abastos, e convocou estas axudas para o ano 2026, cun crédito total de 2.285.000,00 euros, distribuído do seguinte xeito:

Entidades beneficiarias	Aplicación orzamentaria	Código de proxecto	Importe 2026	Importe 2027	Total
Concellos	14.06.751A.761.10	2026 00053	1.000.000,00 €	1.000.000,00 €	2.000.000,00 €
Federacións de asociacións de prazas de abastos	14.06.751A.481. 10		40.000,00 €		40.000,00 €
Asociacións de prazas de abastos			222.600,00 €		222.600,00 €
Outras asociacións			222.600,00 €		222.600,00 €
Cooperativas de vendedores/as das prazas de abastos	14.06.751A.470.10		22.400,00 €		22.400,00 €
			1.285.000,00 €	1.000.000,00 €	2.285.000,00 €

Posteriormente, mediante a Orde do 12 de agosto de 2026 (publicada no Diario Oficial de Galicia núm. 156, do 19 de agosto), ampliouse e redistribuíuse o crédito orzamentario inicial para o exercicio 2026, co que o crédito total dispoñible da convocatoria quedou fixado no seguinte importe e distribución por aplicacións orzamentarias:

Anualidade 2026:

Aplicación orzamentaria Anualidade 2026	Crédito inicial (€)	Modificación/ redistribución (€)	Ampliación (€)	Crédito final (€)
14.06.751A.470.10 (cooperativas)	22.400,00 €	0,00 €	0,00 €	22.400,00 €
14.06.751A.481.10 (Asoc./Fed.)	262.600,00 €	-158.109,40 €	0,00 €	104.490,60 €
14.06.751A.761.10 (concellos)	1.000.000,00 €	158.109,40 €	73.064,74 €	1.231.174,14 €
Total	1.285.000,00 €	0,00 €	73.064,74 €	1.358.064,74 €

O artigo 2.2 da Orde do 5 de xaneiro de 2026 establece que as solicitudes se presentarán en prazo e cos requisitos establecidos nas bases reguladoras e na convocatoria, e se resolverán atendendo á súa prelación temporal ata o esgotamento do crédito, do cal se dará a correspondente publicidade. Para os efectos da determinación da prelación temporal de concesión das axudas, hai que ter en conta a data e a hora nas que se presente a solicitude. Non obstante, no caso de que a solicitude requira emenda, teranse en conta a data e a hora nas que a entidade solicitante presente correctamente toda a documentación e a información requirida. Así mesmo, no caso de que se presente unha mellora ou achega voluntaria da solicitude, a data que hai que ter en conta será a da mellora.

Logo de revisar as solicitudes segundo a prelación temporal establecida no artigo 2.2 da orde de convocatoria, as últimas solicitudes que se puideron conceder antes do esgotamento de crédito aos concellos galegos para cada anualidade, e tendo en conta a data e a hora nas que se presentou correctamente toda a documentación na sede electrónica da Xunta de Galicia, foron:

– Para a anualidade 2026: a solicitude presentada na sede electrónica o día 2.3.2026 ás 13.19 horas (núm. de expediente IN223A-2025-00000031-00).

– Para a anualidade 2027: a solicitude presentada na sede electrónica o día 11.2.2026 ás 10.12 horas (núm. de expediente IN223A-2026-00000023-00).

Por outra banda, de conformidade co establecido no artigo 15 da Lei 9/2007, do 13 de xuño, de subvencións de Galicia, e no artigo 17 da Lei 1/2016, do 18 de xaneiro, de transparencia e bo goberno, os órganos administrativos concedentes publicarán no Diario Oficial de Galicia as subvencións concedidas, con expresión da convocatoria, o programa e crédito orzamentario aos que se imputen, a finalidade da subvención, o beneficiario e a cantidade concedida.

En virtude do anterior,

RESOLVO:

Primeiro. Facer público o esgotamento do crédito dispoñible na aplicación orzamentaria 14.06.751A.761.10, e código de proxecto 2026 00053, para as axudas aos concellos galegos convocadas pola mencionada Orde do 5 de xaneiro de 2026 pola que se establecen as bases reguladoras para a concesión, en réxime de concorrencia non competitiva, de subvencións para o impulso dunha rede de mercados excelentes de Galicia e a dinamización e revitalización das prazas de abastos, e se convocan estas subvencións para o ano 2026 (código de procedemento IN223A).

Segundo. Ordenar que se publiquen no Diario Oficial de Galicia as subvencións concedidas con cargo ás aplicacións orzamentarias 14.06.751A.761.10, 14.06.751A.481.10 e 14.06.751A.470.10, e código de proxecto 2026 00053, da devandita Orde do 5 de xaneiro de 2026 pola que se establecen as bases reguladoras para a concesión, en réxime de concorrencia non competitiva, de subvencións para o impulso dunha rede de mercados excelentes de Galicia e a dinamización e revitalización das prazas de abastos, e se convocan estas subvencións para o ano 2026 (código de procedemento IN223A).

As persoas interesadas poden acceder e consultar as listaxes de concesión das axudas, con indicación da convocatoria, da entidade beneficiaria e da cantidade concedida pola subvención outorgada, nas seguintes ligazóns:

Axudas a concellos:

https://www.infosubvenciones.es/bdnstrans/GE/gl/convocatorias/882931/concesiones

Axudas a federacións e asociacións:

https://www.infosubvenciones.es/bdnstrans/GE/gl/convocatorias/882934/concesiones

Santiago de Compostela, 1 de outubro de 2026

Gabriel Alén Castro
Director xeral de Comercio e Consumo