Elección de destino

Acceder ao sistema de elección de destino

Acceso

Para acceder á aplicación debe usar o seu NIF e a clave que lle será enviada ao correo electrónico indicado na súa solicitude desde a Dirección Xeral de Emprego Público e Administración de Persoal. En caso de non recibir a clave nos dous primeiros días da súa elección, póñase en contacto coa Dirección Xeral de Emprego Público e Administración de Persoal.

Como proceder para escoller o estado da súa elección de destino e ordenar os postos segundo a súa preferencia

Debe seleccionar o estado da súa elección de destino. Seleccione a opción que desexe: "Escollo posto", "Renuncio", "Excedencia" dentro das opcións permitidas para a súa elección de destino. Unha vez seleccionada pulse o botón"Actualizar". Se escolleu a opción "Escollo posto", mostraránselle todos os postos coa orde por defecto publicado no DOG. En calquera outro caso deberá presentar unha solicitude de Renuncia ou Excedencia segundo o indicado ao final desta páxina.
Se escolleu a opción "Escollo posto" deberá ordenar tantos postos como indique a súa posición de elección no proceso xeral.
- Os postos ordénanse de un en un, para iso buscará o debido a que desexa ordenar, introducirá a posición onde desexa colocalo no cadro de texto que figura no posto e pulsará o botón coa imaxe das frechas que se atopa á dereita do cadro de texto. O posto cambiará inmediatamente a súa posición á posición indicada. Repetirá esta operación tantas veces como desexe.
Ordene as prazas seguindo a súa preferencia, colocando primeiro as de maior preferencia.
A súa preferencia de elección será a que teña almacenada o último día na hora de peche do prazo de elección.
Cada cambio que faga quedará gravado na aplicación. Se sae e entra de novo, o sistema mostraralle a última información introducida.
En calquera momento poderá imprimir un documento coa súa elección.

Se non desexa que se lle adxudique unha praza debe eliminala da listaxe. Faga clic no botón da papeleira que atopará nesa praza para eliminala do proceso de adxudicación.
- Pode volver incluír a praza facendo clic no botón de reciclaxe.
Se no proceso de adxudicación non se lle adxudicou algunha das prazas que seleccionou, quedará en excedencia no corpo ou categoría do proceso selectivo.
Se solicita a renuncia ou queda en excedencia no corpo ou categoría que superou deberá indicalo na aplicación.
- Adicionalmente será obrigatorio presentar electronicamente mediante o procedemento PR004A unha solicitude. Indique de modo claro que desexa renunciar ao proceso selectivo ou ben que desexa quedar en situación de excedencia no corpo ou categoría que lle corresponda.
No caso de que desexe presentar a excedencia condicional, deberá indicalo na aplicación.
- Adicionalmente será obrigatorio presentar electronicamente mediante o procedemento PR004A unha solicitude na que indique que desexa solicitar a excedencia no caso de que non lle corresponda algunha das prazas indicadas. Deberá indicar o corpo ou categoría na que solicita a excedencia condicional e as prazas que desexa que se lle adxudiquen e que, de non ser posible, solicita quedar en situación de excedencia. A ligazón para xerar esta solicitude atópase na sede da Xunta de Galicia.