O presidente galego participou no acto de conmemoración do centenario de Fe Seguros
Rueda destaca a contribución das empresas na construción dunha Galicia líder e competitiva
Vigo, 18 de outubro de 2024
O presidente da Xunta, Alfonso Rueda, destacou hoxe o importante papel e contribución das empresas na construción dunha Galicia que hoxe é líder e competitiva en moitos sectores.
Así o sinalou durante a súa participación no acto de conmemoración do centenario da empresa Fe Seguros, a quen felicitou pola súa longa traxectoria e polo seu compromiso coa sociedade e con Galicia.
Ademais, o titular do Executivo galego defendeu o labor que está desenvolvendo a Xunta para potenciar un tecido económico forte e competitivo. Entre outras iniciativas, citou o impulso da desburocratización, a axilización administrativa, as axudas ou o asesoramento personalizado.
Imaxes relacionadas
