Santiago de Compostela, 6 de novembro de 2024

O secretario xeral de Industria e Desenvolvemento Enerxético, Nicolás Vázquez, inaugurou hoxe o Congreso Anual de Seguridade Industrial onde destacou o compromiso da Xunta coa seguridade industrial, pois unha industria máis segura será unha industria máis produtiva, máis eficiente, máis competitiva e máis humana. Neste sentido, explicou que a seguridade industrial ten unha triple vertente: o interese público ao estar ao servizo da protección das persoas; o interese social pois beneficia a toda a cidadanía; e o interese económico, xa que a mellora e mantemento das instalacións redunda nunha maior vida útil.