Fene (A Coruña), 21 de novembro de 2024

A delegada territorial da Xunta en Ferrol, Martina Aneiros, deu a benvida esta mañá aos participantes na xornada de speed networking Fene Conecta, organizada pola Asociación de Jóvenes Empresarios (AJE) Ferrolterra.

Aneiros, avogou pola colaboración, o intercambio de ideas e as redes sólidas de apoio entre os emprendedores como motor do “éxito empresarial” e destacou a importancia de encontros como o celebrado no Museo do Humor -no que tomaron parte representantes de 21 empresas da comarca- “á hora de fomentar un ecosistema empresarial dinámico e resiliente”, dixo.

Na súa intervención comprometeu o apoio do Goberno galego aos emprendedores e incidiu unha vez máis nos servizos de asesoramento e acompañamento que a Xunta pon a disposición do sector de forma gratuíta a través do Polo de emprendemento de Ferrol.