A Coruña, 27 de xuño de 2025

A delegada da Xunta, Belén do Campo, participou esta noite na tradicional Cea do Deporte da Coruña, unha gala que reuniu a numerosos representantes do tecido deportivo coruñés para celebrar o compromiso, o esforzo e os logros do deporte local.

O acto contou coa presenza de alumnado das escolas deportivas municipais, deportistas de diferentes disciplinas, representantes de clubs, federacións e diversas entidades vinculadas directa ou indirectamente ao deporte na cidade. A gala converteuse nun espazo de encontro e recoñecemento á ampla e diversa comunidade deportiva que dá vida ao deporte coruñés durante todo o ano.

A Cea do Deporte tamén serviu para homenaxear a deportistas e clubs polos seus logros durante a tempada, así como para recoñecer a traxectoria de figuras destacadas do ámbito deportivo local.

A Xunta reafirma así o seu compromiso co impulso e o apoio ao deporte de base e federado en Galicia, recoñecendo o seu valor estratéxico para a formación da mocidade e o desenvolvemento social e comunitario.