Santiago de Compostela, 9 de outubro de 2025

O director xeral de Gandaría, Agricultura e Industrias Agroalimentarias, José Balseiros, mantivo hoxe unha reunión con representantes da Asociación Galega de Fabricantes de Alimentos Compostos (Agafac), na que avaliaron posibles vías de colaboración a prol deste sector.

A xuntanza serviu para analizar a situación deste eido produtivo, de suma importancia para o desenvolvemento da gandaría na nosa comunidade e, en definitiva, de todo o sector primario galego.