A Xunta licita por máis de 3,2 M€ a obra do novo centro de procesamento de datos do Complexo Hospitalario Universitario de Ferrol
O novo centro estará interconectado co actual servizo de forma provisional ata facer a migración definitiva
Os traballos teñen unha duración máxima prevista de dez meses
As empresas interesadas neste contrato dispoñen ata o 7 de xaneiro de 2026 para presentar as súas ofertas
Santiago de Compostela, 13 de decembro de 2025
A Xunta, a través do Servizo Galego de Saúde, publica no Portal de Contratos Públicos de Galicia a licitación, por 3.214.055,62, da obra do novo centro de procesamento de datos do Complexo Hospitalario Universitario de Ferrol (CHUF).
Construirase na zona leste edificio do Hospital Arquitecto Marcide, no soto -2. Mentres, o actual centro de procesamento de datos permanecerá operativo ata que se teñan migrado todas as conexións ao novo.
O proxecto prevé unha interconexión entre ambos, de xeito provisional, para poder facer a migración, que en calquera caso se deberá executar co hospital funcionando e con todos os seus servizos operativos de xeito permanente.
O prazo de execución é de dez meses e a súa execución está prevista ao longo dos anos 2026 e 2027.
As empresas interesadas neste contrato dispoñen o 7 de xaneiro de 2026 para presentar as súas ofertas.
