O seguimento da folga médica na quenda de tarde deste luns acada o 2,62 % en atención hospitalaria e o 4,81 % en atención primaria
No conxunto dos dous niveis asistenciais, a folga tivo un seguimento do 4 %
Nos sete grandes hospitais a porcentaxe de participación foi do 3,02 % e do 0,78 % nos comarcais
No que atinxe á atención primaria, a área con máis seguimento foi a de Vigo con 14,5 % mentres que nas áreas de Ferrol e na de Lugo, A Mariña e Monforte de Lemos a folga non tivo seguimento
Santiago de Compostela, 16 de marzo de 2026
O seguimento da folga de médicos na quenda de tarde desde luns acadou o 2,62 % en atención hospitalaria e o 4,81 % en atención primaria. No conxunto dos dous niveis asistenciais, a folga tivo un seguimento do 4 %.
Na xornada deste luns conflúen a folga médica convocada a nivel nacional contra o Estatuto Marco promovido polo Goberno central e a folga de atención primaria.
A porcentaxe de participación nos sete grandes hospitais do Servizo Galego de Saúde, na quenda de tarde, acadou o 3,02 %. En canto aos hospitais comarcais, o seguimento foi do 0,78 %.
Por centros hospitalarios, o paro foi secundado polo 1,82 % no caso do Complexo Hospitalario Universitario da Coruña; polo 5,56 % no caso do Hospital Universitario Lucus Augusti; o 6,10 % no Complexo Hospitalario Universitario de Ourense; o 9,86 % no Complexo Hospitalario Universitario de Pontevedra. Nesta quenda de tarde, a folga non tivo seguimento no Complexo Hospitalario Universitario de Santiago de Compostela; no caso do Complexo Hospitalario Universitario de Ferrol; e no Complexo Hospitalario Universitario de Vigo. No conxunto dos hospitais xerais, o seguimento medio da folga acadou o 3,02 %.
No caso dos hospitais comarcais, o seguimento acadou o 5,56 % no Hospital Público de Cee. Nos restantes hospitais comarcais no tivo seguimento. No conxunto dos hospitais comarcais, o seguimento medio da folga foi do 0,78 %.
En canto ao seguimento en atención primaria na quenda de tarde, por áreas sanitarias, foi o seguinte: área sanitaria da Coruña e Cee, 1,86 %; área sanitaria de Santiago de Compostela e Barbanza, 2,63 %; área sanitaria de Ourense, Verín e O Barco de Valdeorras, 3,17 %; área sanitaria de Pontevedra e O Salnés, 4,76 %; e área sanitaria de Vigo, do 14,50 %. Na área sanitaria de Ferrol e na área sanitaria de Lugo, A Mariña e Monforte de Lemos non tivo seguimento
Do mesmo xeito, en entidades sanitarias como son a Axencia Galega de Doazón de Sangue, Órganos e Tecidos (ADOS), a empresa pública de servizos sanitarios Galaria e a Fundación Pública Urxencias Sanitarias de Galicia-061, non se rexistrou seguimento da folga na quenda de tarde.
O Servizo Galego de Saúde conta na xornada de hoxe coa cobertura do 100 % dos servizos mínimos, garantindo a actividade asistencial urxente e de emerxencias.
