Santiago de Compostela, 23 de abril de 2026

O director xeral de Defensa do Monte da Consellería do Medio Rural, Manuel Francisco, reuniuse hoxe con responsables da Asociación Forestal de Galicia. O encontro serviu para avanzar na colaboración entre a Xunta e esta entidade en materia de defensa do monte e xestión forestal.

En concreto, abordáronse cuestións como as axudas destinadas aos montes veciñais en man común para a prevención dos incendios forestais ou a xestión da biomasa nas faixas secundarias. Neste sentido, cómpre lembrar que a Consellería do Medio Rural asinou un convenio coa empresa pública Seaga para apoiar a propietarios e concellos á hora de realizar estas tarefas, o cal está dotado cun orzamento de 25 millóns de euros anuais.