Lugo, 19 de xuño de 2026

A Xunta de Galicia instala desde hoxe e durante toda a fin de semana un Posto de Mando Avanzado na Horta do Seminario para reforzar a seguridade durante o Arde Lucus. A instancias do Concello de Lugo, a Axencia Galega de Emerxencias (Axega) achega medios materiais e humanos para facilitar unha resposta coordinada de todos os servizos involucrados en caso de que se produza unha incidencia.

O delegado territorial de Lugo, Alfonso Villares, visitou hoxe o posto, que estará operativo durante as horas nas que se espera maior afluencia de público: entre as 17:00 e a 1:00 da madrugada tanto hoxe como o domingo, e o sábado de 16:00 a 02:00 horas.