Fabiola García felicita á veciña centenaria do Porto do Son Carmen Calo Maneiro, que cumpre 104 anos
A conselleira de Política Social e Igualdade visitouna no seu domicilio, situado na parroquia de Baroña, acompañada do alcalde, Luis Oujo
O Porto do Son (A Coruña), 5 de setembro do 2026
A conselleira de Política Social e Igualdade, Fabiola García, achegouse esta mañá ata o domicilio da centenaria veciña do Porto do Son, Carmen Calo Maneiro, coñecida como Carmen de Lourenzo, que cumpre 104 anos. Durante a súa visita, trasladoulle as súas felicitacións e animouna a seguir mantendo a súa vitalidade.
Na súa estancia no domicilio, situado no lugar da Igrexa da parroquia de Baroña, a conselleira estivo acompañada do alcalde do municipio, Luis Oujo, e de varios membros da familia da homenaxeada, á que lle fixo entrega dun agasallo en nome da Xunta.
Imaxes relacionadas
Departamento:
C. de Política Social e Igualdade
Data de actualización: 05/09/2026
