Lugo, 22 de outubro de 2026

A conselleira de Vivenda e Planificación de Infraestruturas, María M. Allegue, xunto ao delegado territorial da Xunta en Lugo, Alfonso Villares, achegouse hoxe á cidade de Lugo  para visitar o inicio das obras de transformación da travesía de Serra Meira, que permitirán renovar este espazo urbano e mellorar a seguridade viaria, a accesibilidade e a mobilidade.

A actuación nos 200 metros de lonxitude desta travesía, que supón un investimento de 1,1M€, contempla a ampliación e pavimentación da calzada, novas beirarrúas e a mellora da capa de rodaxe das sendas peonís. Tamén inclúe traballos de xardinería, a instalación de mobiliario urbano. iluminación e a renovación da sinalización.

Allegue explicou que o proxecto inclúe intervencións, tamén, en todo o soterrado non  visible da vía, como son as instalacións de saneamento e abastecemento de auga.

Ademais,  Incidiu na importancia de actuar nas travesías urbanas para favorecer unha mobilidade máis segura, cómoda e funcional, tanto para vehículos como para peóns.

As obras de urbanización licitáronse en maio e os traballos xa están en marcha.  O prazo de execución é de 12 meses. O obxectivo é, de ser posible, que estea renovada no 2027.

A intervención permitirá, ademais, unha contorna que quedará máis humanizada e mellor integrada no barrio, especialmente coas zonas verdes  e o parque Sagrado Corazón.