A Xunta presenta a oferta turística de Galicia no World Travel Market de Londres

A directora de Turismo de Galicia, Nava Castro, presentou a oferta turística galega na 43ª edición do World Travel Market London, unha das feiras turísticas máis importantes do mercado turístico internacional, ademais de que o mercado británico é un dos principais mercados emisores da nosa comunidade.

Tanto axencias como operadores turísticos están na procura de destinos atractivos para viaxeiros que buscan lugares non masificados, preferiblemente con conexións aéreas directas e que non se atopen a moitas horas de voo do Reino Unido. Por isto, Galicia segue tendo boas perspectivas para o mercado británico, un dos seus principais mercados emisores.

World Travel Market London é o evento de viaxes internacionais líder no mercado turístico inglés que abre oportunidades comerciais para os profesionais do turismo receptivo e emisor. Trátase dun foro onde os profesionais de viaxes reúnense para conectarse e escoitar como as empresas líderes remodelaron os seus negocios, así como información de datos sobre destinos e produtos de moda.

Este evento permite ás empresas turísticas de todo o mundo mostrar a súa marca e exhibir na feira, xunto cos nomes máis importantes en aloxamento e hospitalidade, destinos e atraccións turísticas de renome, provedores innovadores de tecnoloxía de viaxes e areoliñas. Permítese, así mesmo, que os provedores de viaxes internacionais fagan negocios con compradores de viaxes de clase mundial e mostrar os seus servizos á prensa internacional.