O director xeral de Maiores e Atención Sociosanitaria, Antón Acevedo, mantivo esta mañá no Complexo Administrativo de San Caetano unha reunión cos directores das residencias públicas autonómicas de maiores.

Este encontro da Dirección xeral de Maiores e Atención Sociosanitaria coas respectivas direccións das residencias públicas da Xunta serviu para poñer en común os obxectivos estratéxicos a corto e medio prazo e tamén para coñecer as principais inquedanzas dos traballadores do sector.