A Casa de Galicia en Madrid acolle a presentación da plataforma Aldealista, o “Tinder dos pobos galegos”
Madrid, 16 de decembro de 2022 Juan Serrano, director da Casa de Galicia en Madrid deu esta semana a benvida á plataforma Aldealista, con Juan Carlos Pérez á fronte, nacido en San Xoan de Río (Ourense).
O obxectivo da plataforma non é outro que pór valor e visibilizar os 209 concellos galegos de menos de 5.000 habitantes para deste xeito loitar contra a chamada España baleirada.
Coñecida como o 'Tinder' dos pobos galegos, esta nova e sorprendente aplicación está xa dispoñible en Play Store e App Store.
O seu funcionamento é sinxelo e moi intuitivo. Una vez entraches na aplicación, a app vaiche mostrando municipios semiabandonados de Galicia, e valos deslizando ata que un che chama a atención e, sobre todo, o que máis se axusta ás preferencias do teu perfil. É entón cando fas ‘match’, e a aplicación móstrache toda a información do mesmo, o que ten para ofrecer e a mellor maneira de visitalo.
O obxectivo da aplicación é conseguir que os pobos galegos "namoren" a todos aqueles que están a buscar un lugar paira coñecer, paira visitar e porqué non, paira vivir.