Belén do Campo participa na entrega de premios do LXXXI do Campionato de España de Bateis
A Pobra do Caramiñal (A Coruña), 28 de abril de 2024
A delegada territorial da Xunta na Coruña, Belén do Campo, participou na entrega de premios do LXXXI Campionato de España de Bateis que tivo lugar esta fin de semana na Pobra do Caramiñal.
Belén do Campo salientou a fonda vinculación histórica e cultural dos bateis coa poboación da costa do Barbanza e das contornas dos diferentes clubs. “Os bateis forman parte da paisaxe marítima desta comarca grazas ao esforzo do Club Remo Puebla, organizador e anfitrión, que cumpre este ano unha brillante efeméride coa celebración do 45º aniversario da súa fundación, forxando unha histórica traxectoria no remo español nesta zona”.
O programa deste ano inclúe, por primeira vez, a categoría de alevíns, polo que serán cinco series tanto en mulleres como masculinos e para os que xa están 16 clubs de Galicia con 30 equipos, clasificados no Campionato de Galicia, na mesma pista da Pobra.
