A Coruña, 30 de decembro de 2024

Persoas usuarias, familiares e persoal da residencia de maiores Torrente Ballester cumpriron coa tradición e despediron hoxe por anticipado o 2024 cunha gran festa de fin de ano. 

O director xeral de Maiores e Atención Sociosanitaria, Antón Acevedo, asistiu ao evento e aproveitou para trasladar a todos os mellores desexos para o vindeiro ano. Pola súa banda, o director do centro, Constantino Piñeiro, insistiu en que a Xunta seguirá traballando para prestar uns coidados e unha atención de calidade ás persoas maiores.