Oleiros (A Coruña), 12 de xaneiro de 2025

A conselleira de Política Social e Igualdade, Fabiola García, visitou aos maiores da residencia Raiola de Oleiros. Neste encontro, trasladoulle o compromiso da Xunta de seguir reforzando as iniciativas de apoio aos maiores como o complemento de 1.200 euros ao Bono residencia para sufragar os custos do centro de coidados.

Así mesmo, Fabiola García sinalou que esta medida forma parte da aposta da Xunta para garantir que os maiores poidan pasar a última etapa da súa vida no lugar que eles escollan. Por iso mesmo, lembrou que o Executivo galego tamén segue apostando polo Bono coidado no fogar para aquelas persoas que prefiren permanecer nas súas casas baixo os coidados dos seus achegados.