Santiago de Compostela, 30 de xaneiro de 2025

O director xeral de Maiores e Atención Sociosanitaria, Antón Acevedo, participou na inauguración do Congreso Internacional de Educación de Persoas Adultas Caxato, que se celebra en Galicia e no que participan institucións de varios países que realizan actividades formativas arredor do Camiño de Santiago.

Antón Acevedo destacou que a Xunta de Galicia mantén unha aposta firme pola formación das persoas maiores e lembrou que o Executivo galego colabora con diferentes asociacións e institucións educativas para achegar novos coñecementos ás persoas da terceira idade.