A Xunta destaca que as dúas casas do maior de Baralla ofrecen un servizo gratuíto de atención a unha decena de maiores deste municipio
Antón Acevedo sinala que estes novos recursos darán servizo a unha decena de veciños da contorna
Galicia conta con máis de 140 casas do maior en funcionamento situadas nos concellos máis rurais
Baralla (Lugo), 27 de febreiro de 2025
O director xeral de Maiores e Atención Sociosanitaria, Antón Acevedo, acompañado do delegado territorial da Xunta en Lugo, Javier Arias, e do alcalde de Baralla, Miguel González, visitou as dúas casas do maior deste concello ofrecen un servizo gratuíto a unha decena de maiores deste municipio.
Antón Acevedo sinalou que estes recursos ofrecen un servizo fundamental para garantir a mellor atención e coidado aos maiores das zonas máis despoboadas e lembrou que forma parte da aposta da Xunta de Galicia para posibilitar o envellecemento activo e o benestar das persoas da terceira idade.
Así mesmo, sinalou que estes servizos públicos e gratuítos son importantes tamén para garantir a conciliación nos concellos máis rurais onde ademais non hai outros recursos destas características. Ao respecto, indicou que nestes momentos en Galicia hai máis de 140 casas do maior en funcionamento.
Imaxes relacionadas
