Santiago de Compostela, 17 de marzo de 2025

A conselleira do Medio Rural, María José Gómez, participou esta tarde por videoconferencia na reunión do Consello Consultivo de Política Agrícola para Asuntos Comunitarios. O encontro serviu para seguir avanzando nos traballos que se están levando dentro da UE, no marco da Política Agraria Común, para reforzar a competitividade e a resiliencia da agricultura europea nun contexto marcado pola necesidade de actuar na mitigación e adaptación ao cambio climático e no da protección da biodiversidade e os ecosistemas, entre outros factores.