Santiago de Compostela 28 de maio de 2025

A conselleira de Vivenda e Planificación de Infraestruturas, María M. Allegue, presidiu hoxe unha nova reunión do Consello de Administración da Sociedade de Vivenda Pública de Galicia (Vipugal) na que se autorizou a adxudicación dos contratos de redacción de proxecto e dirección de obra para a construción de dous grupos de vivendas de promoción pública en Vigo e Ferrol.

En Vigo, Vipugal adxudicará a Irisarri-Piñera S.L.P. o contrato para a redacción do proxecto e dirección de obra de 44 vivendas de promoción pública que se edificarán nas parcelas M-IIIB-16 e M-IIIB-18 de San Paio de Navia. O importe da adxudicación será de 411.180,46 euros.

Polo que respecta a Ferrol, a redacción do proxecto e dirección de obra para a construción de 75 vivendas de promoción pública na parcela 10 de O Bertón será adxudicada á UTE Bertón 10, formada por Abalo Arquitectura e Ingeniería S.L., G. Cabanillas Arquitectos S.L. 3 Manuel Vázquez Muiño. O importe de adxudicación será de 393.976 euros, IVE incluído.

Nos dous casos, os adxudicatarios contarán cun prazo de dous meses para a redacción do proxecto básico e tres máis para o de execución. A dirección de obra prologarase o tempo que dure a mesma.

Con estas licitacións a Xunta avanza no compromiso de duplicar o parque de vivendas públicas, acadando as 8.000 na presente lexislatura. Actualmente son máis de 2.200 vivendas de nova construción as que están en diversas fases de execución.