A Coruña, 3 de xuño de 2025

A delegada da Xunta, Belén do Campo, participou nunha reunión de coordinación para preparar o simulacro de situación operativa 2 por incendio forestal en Rianxo, que terá lugar o próximo xoves, na que estiveron presentes o xefe de servizo de Emerxencias da provincia da Coruña, Víctor Vázquez e o xefe de servizo de Prevención de Incendios Forestais da provincia da Coruña, Guillermo Acebal.

No encontro analizaronse os detalles do simulacro de incendio que se iniciará ás 8:45 horas na zona de Burés (parroquia de Asados) no concello de Rianxo, e se estenderá por diversos núcleos de poboación do termo municipal deste municipio.