Campo Lameiro (Pontevedra), 28 de xullo de 2025

O director xeral de Maiores e Atención Sociosanitaria, Antón Acevedo, acompañado do delegado territorial da Xunta en Pontevedra, Agustín Reguera, visitou esta mañá aos usuarios do centro de día de Campo Lameiro, que desenvolve un labor fundamental para a promoción do envellecemento activo e saudable entre os maiores do rural.

Este centro de maiores inaugurado o pasado ano conta cunha Unidade de Vida Activa, unha iniciativa que o director xeral de Maiores e Atención Sociosanitaria destacou como un elemento fundamental para promover a autonomía dos usuarios e que se complementa co plan diario de actividades.

Neste senso, Antón Acevedo fixo fincapé na importancia de contar con iniciativas desta tipoloxía que fomentan o envellecemento activo co uso das novas tecnoloxías, actividades físicas ou talleres emocionais, entre outras actividades, principalmente nas zonas rurais.